شىمكەنت قالاسىنداعى №2 مامانداندىرىلعان ءۇش تىلدە وقىتاتىن مەكتەپ-ينتەرناتىنىڭ 11-سىنىپ وقۋشىسى داستان راقىمانبەردى 12 ەلىندەگى 74 بەدەلدى جوعارى وقۋ ورنىنان شاقىرتۋ الدى دەپ حابارلايدى Egemen.kz.
وقۋشى SAT ەمتيحانىنان 1 480 بالل, ال IELTS باعدارلاماسىنان 7.0 بالل جيناعان.
ول ءبىلىم جولىندا ءوزىن بەسىنشى سىنىپتان باستاپ جۇيەلى تۇردە دامىتۋدى قولعا العان. وسىلايشا بىرنەشە رەسپۋبليكالىق جانە حالىقارالىق بايقاۋلاردا جۇلدەلى ورىندارعا يە بولعان. اتاپ ايتقاندا, ول استروفيزيكادان رەسپۋبليكالىق وليمپيادادا ءى ورىن, «عىلىم الەمىن اشامىز» حالىقارالىق بايقاۋىندا ءىىى ورىن, سونداي-اق ەلىمىزدە العاش وتكەن قارجىلىق ساۋاتتىلىق وليمپياداسىندا ءىى ورىن يەلەنگەن.
پاۆلودارلىق وقۋشى ۇبت-دان 140 بالل جينادى
سونىمەن قاتار IT سالاسىندا دا جەتىستىككە جەتىپ, 15-تەن استام حالىقارالىق جانە رەسپۋبليكالىق حاكاتوندارعا قاتىسىپ, جۇلدەگەر اتانعان. ونىڭ ىشىندە NASA ۇيىمداستىرعان بايقاۋلاردا دا جوعارى ناتيجە كورسەتكەن.
ەسكە سالا كەتەيىك, بۇعان دەيىن تاعى ءبىر شىمكەنتتىك تۇلەك تامەرلان سىزدىقوۆتىڭ 23 شەتەلدىك ۋنيۆەرسيتەتتەن شاقىرتۋ العان بولاتىن.