پاۆلودار وبلىسىنىڭ وقۋشىسى نەگىزگى ۇبت-دا 140 بالل جيناپ, ەڭ جوعارى ناتيجەگە قول جەتكىزدى, دەپ حابارلايدى Egemen.kz.
پاۆلودار قالاسىنداعى №7 جالپى ورتا ءبىلىم بەرۋ مەكتەبىنىڭ تۇلەگى س «ماتەماتيكا-گەوگرافيا» پاندەر كومبيناتسياسى بويىنشا ۇبت تاپسىرعان. ول بەس ءپان بويىنشا ماكسيمالدى 140 بالل جيناعان.
«مەن 11-سىنىپتىڭ باسىنان باستاپ ۇبت-عا جۇيەلى تۇردە دايىندالا باستادىم. ءدال سول كەزدە بولاشاق ماماندىعىمدى ناقتى تاڭدادىم. الداعى ۋاقىتتا Maqsut Narikbayev University-نە «مەنەدجمەنت» ماماندىعىنا وقۋعا ءتۇسۋدى جوسپارلاپ وتىرمىن. ۇبت-عا دايىندىق بارىسىندا قولداۋ كورسەتىپ, جىگەر بەرگەن اتا-اناما جانە ۇستازدارىما العىسىمدى بىلدىرەمىن», دەدى ول.
89 مىڭنان استام مەملەكەتتىك گرانت ءبولىندى: بيىل قاي ماماندىقتارعا باسىمدىق بەرىلدى؟
ەسكە سالا كەتەيىك, بۇعان دەيىن تۇركىستان وبلىسىندا سىنىپتاس ەكى وقۋشىنىڭ 140 بالل جيناعانىن جازعان بولاتىنبىز.