استانادا 20 جاستاعى ستۋدەنت ايساۋلە قاناحانىڭ ولىمىنە قاتىستى تەرگەۋ جالعاسىپ جاتىر. قىزدىڭ دەنەسى 1 ءساۋىر كۇنى ەسىل جاعاسىنان باسىنا پاكەت كيگىزىلگەن كۇيدە تابىلعان. تۋىستارى ونىڭ ءولىمى كيبەرالاياقتاردىڭ پسيحولوگيالىق قىسىمىمەن بايلانىستى بولۋى مۇمكىن دەپ ەسەپتەيدى, دەپ حابارلايدى Egemen.kz.
Newtimes.kz مالىمەتىنشە, ايساۋلە «شابىت» ۋنيۆەرسيتەتىندە گرافيكالىق ديزاين ماماندىعىندا وقىعان. وتباسىنىڭ ايتۋىنشا, ولەرىنىڭ الدىندا ول ءوزىن ۇلتتىق بانك قىزمەتكەرى رەتىندە تانىستىرعان «كالاشنيكوۆ د.ن.» ەسىمدى اداممەن حات الماسقان. الگى ادام قىزدى «دروپپەر» بولدى دەپ قورقىتىپ, قىلمىستىق جاۋاپكەرشىلىككە تارتىلۋى مۇمكىن ەكەنىن ايتقان.
31 ناۋرىزدا ايساۋلە تاكسيمەن ساۋدا ورتالىعىنا بارىپ, الاياقتارعا شامامەن 1,1 ملن تەڭگە اۋدارعان. تاكسيگە دە سول ادام تاپسىرىس بەرگەنى ايتىلدى. سول ءتۇنى ول WhatsApp ارقىلى ۇزاق سويلەسكەن.
كەلەسى كۇنى تاڭەرتەڭ اتا-اناسى بانك شوتىنان اقشا جوعالعانىن بايقاپ, قىزىمەن سويلەسپەك بولعان. الايدا ايساۋلە اقشانى كىمگە جىبەرگەنىن ايتپاي, كوپ ۇزاماي ۇيدەن سىرت كيىمسىز شىعىپ كەتكەن. كەيىن ونىڭ دەنەسى وزەن ماڭىنان تابىلدى.
اق ءۇي ماڭىندا اتىس بولىپ, كۇدىكتى قازا تاپتى
وتباسى بۇل ىستە كۇماندى جايتتار كوپ ەكەنىن ايتادى. اكەسىنىڭ سوزىنشە, مايىتتەن باس جاراقاتى بايقالعانىمەن, ول ساراپتاما قورىتىندىسىنا ەنگىزىلمەگەن. سونداي-اق, پاكەت بوس بايلانعاندىقتان, تۇنشىعۋ سەبەبى كۇمان تۋدىرادى دەيدى.
اتا-اناسى تەرگەۋدىڭ باياۋ جۇرگەنىنە نارازى. ولار قىزدىڭ تەلەفونىنداعى حاتتار ۋاقىتىندا تەكسەرىلمەگەنىن, ايساۋلەگە بىرنەشە كيبەرالاياق قىسىم كورسەتكەنىن ايتادى. حاتتاردان قىزدىڭ باقىلاۋدا بولعانى بايقالعان.
قازىر وتباسى «كيبەرالاياقتىق» پەن ء«وزىن-ءوزى ولتىرۋگە يتەرمەلەۋ» باپتارى بويىنشا قوزعالعان ەكى ءىستى بىرىكتىرۋدى تالاپ ەتىپ وتىر. ولار ايساۋلەنىڭ ءولىمى مەن كيبەرالاياقتاردىڭ ارەكەتى تىكەلەي بايلانىستى دەپ سانايدى.
پاكىستاندا پويىزدا جارىلىس بولىپ, 24 ادام قازا تاپتى