الماتى قالاسى نازارباەۆ داڭعىلىنداعى تاريحي عيماراتتىڭ قاپتاماسى مەن جارىقتاندىرۋى جاڭارتىلۋدا. بۇل قۇرىلىس ۆ.ي.لەنين مۋزەيى كەشەنى رەتىندە كەڭەستىك جىلدارى ازىرلەنگەن بولاتىن. 1986 جىلى وبەكتىنىڭ قۇرىلىس جۇمىسى توقتاتىلدى, وبەكتىنىڭ دايىندىعى سول كەزدە 90%-دى قۇراعان.
جەتى جىلدان كەيىن 1993 جىلى قۇرىلىس جاڭارتىلدى, بىراق عيماراتتىڭ جوباسى وزگەرتىلىپ, قازاقستان پرەزيدەنتىنىڭ رەزيدەنتسياسى رەتىندە سالۋ جالعاستىرىلدى. قۇرىلىستىڭ اياقتالعان كۇنى 1995 جىل دەپ بەلگىلەنگەن.
جوبانىڭ اۆتورلارى: قالدىباي مونتاحاەۆ, سۇلتان بايماعامبەتوۆ, قۇماربەك نۇرمانبەتوۆ, و.تساي, قۇرىلىسشى – تالعات الپىسباەۆ.
استاناعا كوشكەننەن كەيىن عيمارات رەزيدەنتسيا مارتەبەسىن ساقتاپ قالدى, 2000 جىلى رەزيدەنتسيا كەشەنى قازاقستاننىڭ رەسپۋبليكالىق ماڭىزى بار تاريحي جانە مادەني ەسكەرتكىشتەر تىزىلىمىنە ەنگىزىلگەن بولاتىن. عيمارات مەملەكەتتىك كۇزەتىلەتىن وبەكتىگە جاتادى.
قاسبەتتى قايتا جوندەۋ وبەكتىنىڭ سىرتقى كورىنىسىن وزگەرتپەيدى: جۇمىستار قاتاڭ تۇردە تاريحي نۇسقاداعى پارامەترلەرگە سايكەس جۇرگىزىلەتىن بولادى.
قازاقستان رەسپۋبليكاسى پرەزيدەنتى
ءىس باسقارماسىنىڭ ءباسپاسوز قىزمەتى