يراك ىشكى ىستەر مينيسترلىگىنىڭ قىزمەتكەرلەرى لاڭكەستىككە قارسى وپەراتسيا جۇرگىزدى, دەپ حابارلايدى يتار-تاسس اگەنتتىگى.
لاڭكەستىككە قارسى ارنايى وپەراتسيا سيريامەن شەكتەسىپ جاتقان ەل-فاللۋدجا جانە باعداتتان سولتۇستىككە قاراي 400 شاقىرىم جەردە ورنالاسقان موسۋل قالالارىندا ءجۇرىپ ءوتتى. ونىڭ بارىسىندا پوليتسيا قىزمەتكەرلەرى 84 سودىردىڭ كوزىن جويعان. پوليتسيا گەنەرالى ماحدي ال-گارراۆي موسۋل قالاسىندا 449 ەكسترەميست تۇتقىندالىپ, 21 مينالانعان اۆتوكولىك زالالسىزداندىرىلعانىن, سونداي-اق ءىرى كولەمدە قارۋ-جاراق, وق-ءدارى مەن جارىلعىش زات تاركىلەنگەنىن مالىمدەدى.
ىشكى ىستەر مينيسترلىگىنىڭ دەرەگى بويىنشا, ەل-فاللۋدجاعى لاڭكەستىككە قارسى وپەراتسيا بارىسىندا 10 لاڭكەستىڭ كوزى جويىلعان.
ايدار ورىسباەۆ.
دەرەككوز: Itar-tass.com.
فوتو: Dosug.mg.