ەلوردانىڭ باس قاقپاسى – نۇرسۇلتان نازارباەۆ حالىقارالىق اۋەجايى ارقىلى كۇنىنە 8 مىڭعا جۋىق جولاۋشى ۇشىپ كەلسە, وسىنشاما ادام كەرى قايتادى. تاۋلىگىنە مۇندا 160-تاي رەيس ۇشادى. ونىڭ 50-ءى حالىقارالىق. اۋەجاي̆ – ستراتەگيالىق وبەكت. سول سەبەپتى دە اۋە نىساندارىنداعى قاۋىپسىزدىكتى قامتاماسىز ەتۋ, كەلىمدى-كەتىمدى جولاۋشىلاردىڭ قۇقىن قورعاۋ كولىك پوليتسياسىنىڭ نەگىزگى مىندەتىنە اينالعان.
ەلىمىزدىڭ باس قالاسىنا ءتۇرلى مەملەكەتتەن ۇشىپ كەلگەن جولاۋشىلار ەڭ الدىمەن جپب پوليتسيا قىزمەتكەرلەرىن سىنعا الىپ, قازاقستاندىق پوليتسيا قىزمەتى تۋرالى پىكىر قالىپتاستىراتىنى انىق. باسقاشا ايتقاندا, جەلىلىك پوليتسيا ءبولىمىنىڭ قىزمەتكەرلەرى جالپى بۇكىل ىشكى ىستەر ورگاندارىنىڭ بەت پەردەسى سەكىلدى. سوندىقتان نۇر-سۇلتان قالاسى اۋەجاي̆ىنىڭ كولىك پوليتسەي̆لەرىنە جۇكتەلگەن جاۋاپكەرشىلىك تە جەڭىل ەمەس. ونىڭ باستىسى – اۋە كولىگى نىسانىندا قوعامدىق قاۋىپسىزدىكتى قامتاماسىز ەتۋ, قۇقىق بۇزۋشىلىقتىڭ الدىن الۋ جانە ءتارتىپتى ساقتاۋ.
جاقىندا اۋەجاي اۋماعىندا Hi-tech جەدەل الدىن الۋ ءىس-شاراسى وتكىزىلدى. 8-14 قاراشا ارالىعىندا ىسكە قوسىلعان وپەراتسيانىڭ باستى ماقساتى – جوعارى تەحنولوگيالار سالاسىنداعى قىلمىستارعا قارسى توسقاۋىل قويۋ. حالىقارالىق اۋەجايداعى جەلىلىك پوليتسيا ءبولىمى باسشىسىنىڭ جەدەل قىزمەت جونىندەگى ورىنباسارى ەردوس بالتاباەۆ: «سوڭعى ۋاقىتتا تىم كوبەيىپ كەتكەن ينتەرنەت الاياقتىعىنىڭ الدىن الۋدىڭ ستراتەگيالىق نىساندا وتكىزىلەتىن كەز كەلگەن اقپاراتتىق, ۇگىت-ناسيحات جۇمىستارىنىڭ بەرەرى مول. سەبەبى ادەتتە قىلمىسكەرلەر ارام ويلارىن ىسكە اسىرۋ ءۇشىن حالىق ءنوپىرى قالىڭ جەردى تاڭدايدى» دەيدى. «قازىرگى تاڭدا ينتەرنەت جانە تەلەفون ارقىلى جاسالاتىن الاياقتىقتىڭ ءتۇر-ءتۇرى شىعا باستادى. وتىرىك جارناما بەرۋ, قىزمەت ءتۇرىن ۇسىنۋ, ساتۋ-ساتىپ الۋ تۋرالى جالعان اقپارات تاراتۋمەن قاتار, ۇيالى تەلەفونعا حابارلاسىپ, قيىن جاعدايعا تاپ بولعانىن ايتىپ, اقشالاي كومەك سۇرايتىندار دا كوبەيگەن. وزدەرىن بانك قىزمەتكەرى رەتىندە تانىستىرىپ, ەسەپشوتتاعى اقشانى ءتۇرلى سىلتاۋ ايتىپ, ءۇشىنشى ءبىر شوتقا اۋدارتىپ الاتىن اككىلەر دە ادام پسيحولوگياسىنا قالاي ىقپال ەتۋ كەرەكتىگىن جاقسى ءبىلىپ العان. اۋەجايدا جولاۋشىلارعا ءتۇرلى ەكسترەميستىك, تەرروريستىك, پورنوگرافيالىق سيپاتتاعى كونترافاكتىلىك ونىمدەردى تاراتۋ فاكتىلەرىنىڭ الدىن الۋعا دا ەرەكشە ءمان بەرىلەدى», دەيدى پوليتسيا پودپولكوۆنيگى.
Hi-tech-ءتىڭ باستى ماقساتىنىڭ تاعى ءبىرى – قاتىگەزدىك پەن زورلىق-زومبىلىقتى ناسيحاتتايتىن, ارنايى تەحنيكالىق قۇرالدار مەن ۇيالى تەلەفوندارعا ارنالعان زياندى باعدارلامالاردى انىقتاۋ. ال بۇل باعىتتا بەلگىلى ءبىر ناتيجەگە قول جەتكىزۋ ءۇشىن كومپيۋتەردىڭ ءتىلىن جەتىك بىلەتىن بىلىكتى مامان قاجەت ەكەنى تۇسىنىكتى.
«كولىك پوليتسەيلەرى – ىشكى ىستەر ورگاندارىندا حالىقپەن ەتەنە جاقىن جۇمىس ىستەيتىن سالا قىزمەتكەرلەرىنىڭ ءبىرى. سول سەبەپتى دە بىزدەر Hi-tech سەكىلدى جەدەل وپەراتسيالاردىڭ باستى ماقسات-مىندەتىن جولاۋشىلار اراسىندا ءجۇرىپ, جان-جاقتى تۇسىندىرەمىز, جادىنامالار تاراتامىز. باستى ماقسات – ەلىمىزگە كەلگەن قوناقتار مەن ازاماتتارىمىزدى ينتەرنەت الاياقتارىنىڭ قيتۇرقىلىعىنان ساقتاۋ, اقپاراتتىق تەحنولوگيالار سالاسىنداعى قۇقىق بۇزۋشىلىقتاردى دەر كەزىندە انىقتاپ, جولىن كەسۋ», دەگەن ە.بالتاباەۆ ينتەرنەت الاياقتىققا قاتىستى قىلمىس پەن قۇقىق بۇزۋشىلىق تۋرالى اقپارات بەرگەندەرگە اقشالاي سىياقى تولەنەتىنىن دە ەسكە سالىپ ءوتتى.
ەل كولەمىندە ىسكە قوسىلعان Hi-tech جەدەل ءىس-شاراسى بارىسىندا 150-دەن استام كيبەرقىلمىس انىقتالعان بولسا, ونىڭ دەنى ينتەرنەت الاياقتىققا قاتىستى بولىپ وتىر. وپەراتسيا بارىسىندا بۇرىن جاسالعان 200-گە جۋىق قىلمىستىڭ دا بەتى اشىلعان. ينتەرنەت پەن الەۋمەتتىك جەلىنى جاۋلاپ العان قىلمىستىڭ بۇل ءتۇرى قۇرىعىنا كەز كەلگەن جاستاعى ادامدى ءتۇسىرۋى مۇمكىن. سول سەبەپتى دە كولىك ساقشىلارى اۋەجايعا كەلگەن ءاربىر جولاۋشىنى قىراعى بولۋعا, الاياقتاردىڭ وڭاي ءارى تەز پايدا تاباسىز نەمەسە ارزان بولعانىمەن ساپالى قىزمەت جاسالادى دەگەن ۋادەسىنە سەنبەۋگە شاقىرادى. ەڭ باستىسى, وسىنداي جاعدايلاردىڭ بارلىعىن دەرەۋ پوليتسياعا حابارلاۋ قاجەت ەكەنىن ەسكەرتەدى.