برازيليانىڭ سان-پاۋلۋ شتاتىندا ۇڭگىر وپىرىلىپ, سالدارىنان توعىز ءورت ءسوندىرۋشى مەرت بولدى. بۇل تۋرالى جەكسەنبى كۇنى ءوڭىردىڭ ءورت ءسوندىرۋ قىزمەتى Twitter-دە جازدى, دەپ حابارلايدى Egemen.kz.
«توعىز ادام كوز جۇمدى, ءبىر ادام قۇتقارىلدى, ول ينتەنسيۆتى تەراپيا بولىمشەسىنە جەتكىزىلدى. وقيعا ورنىندا باسقا زارداپ شەككەن ادام قالعان جوق», دەلىنگەن حابارلامادا.
جەكسەنبى كۇنى تاڭەرتەڭ ءورت سوندىرۋشىلەر ۇڭگىردىڭ ىشىندە وقۋ-جاتتىعۋ وتكىزىپ جاتقان كەزدە تاۋ جىنىستارى وپىرىلعان. ءورت ءسوندىرۋ قىزمەتى كەلتىرگەن مالىمەتتەرگە سايكەس, وقۋ-جاتتىعۋعا 28 ادام قاتىسقان.