تاۋەلسىز قازاقستان تاريحىندا العاش رەت موڭعوليا سىرتقى ىستەر ءمينيسترى رەسمي ساپارمەن ەلىمىزگە كەلدى. باتمۋنحين باتتسەتسەگتىڭ ساپارى ازياداعى ءوزارا ىقپالداستىق جانە سەنىم شارالارى جونىندەگى كەڭەس اياسىندا ۇيىمداستىرىلعان, دەپ جازادى Egemen.kz.
ەلىمىزدىڭ سىرتقى ىستەر مينيسترلىگىندە وتكەن كەزدەسۋ بارىسىندا تاراپتار ساۋدا-ساتتىق, ەكونوميكا جانە مادەنيەت سالالارىنداعى ەكىجاقتى ىنتىماقتاستىق ماسەلەلەرىن تالقىلادى. قازاقستان جاعى اراداعى تاۋار اينالىمىنىڭ ديناميكاسىنا وڭ باعاسىن بەردى. ءوز كەزەگىندە موڭعوليا تارابى ارىپتەستىكتى نىعايتۋعا دايىن ەكەندەرىن جەتكىزدى.
ەكى ەلدىڭ سىرتقى ىستەر مينيسترلىگى وكىلدەرىنىڭ كەزدەسۋى بارىسىندا 2021-2024 جىلدارعا ارنالعان ىنتىماقتاستىق جونىندەگى جوسپارعا قول قويىلدى.