بۇگىن, باس پروكۋرور اسحات داۋىلباەۆتىڭ اقش-تىڭ ەسىرتكىگە قارسى كۇرەس اگەنتتىگىنىڭ تاياۋ شىعىس ايماعى بويىنشا ايماقتىق باسقارماسى ديرەكتورىنىڭ مىندەتىن اتقارۋشى دونالد چ. كىشى بارنسپەن كەزدەسۋى بولىپ ءوتتى. بۇل تۋرالى باس پروكۋراتۋرانىڭ ءباسپاسوز قىزمەتى حابارلادى.
كەزدەسۋگە قاتىسۋشىلار ەكى جاقتى كەڭ سپەكتورلى ماسەلەلەر بويىنشا, ەڭ الدىمەن ەسىرتكىنىڭ زاڭسىز اينالىمىنا قارسى كۇرەسكە قاتىستى پىكىر الماستى.
ا.داۋىلباەۆ مەملەكەتتىڭ گەوساياسي جاعدايىن ەسكەرە وتىرىپ, ناشاقورلىق پەن ەسىرتكى بيزنەسىنە قارسى كۇرەس قازاقستاننىڭ ۋاكىلەتتى مەملەكەتتىك ورگاندارىنىڭ باسىم باعىتتارىنىڭ ءبىرى ەكەندىگىن اتادى. سونداي-اق ول وسى سالاداعى قىلمىس پەن قۇقىق بۇزۋشىلىقتىڭ الدىن الۋ بويىنشا اتقارىلىپ جاتقان جۇمىستار, ەسىرتكى قىلمىسىنا قارسى شەكارالاس مەملەكەتتەردىڭ قۇزىرلى ورگاندارىمەن ءوزارا ىقپالداستىق تۋرالى حاباردار ەتتى. وسىعان وراي, اقش-تىڭ وسى سالاداعى تاجىريبەسىن زەردەلەۋگە, جەدەل اقپاراتتارمەن الماسۋعا, ءوزارا ءتيىمدى ىنتىماقتاستىققا دايىن ەكەندىگىن ءبىلدىردى.
تاراپتار ترانسۇلتتىق ۇيىمداسقان ەسىرتكى قىلمىسىنا قارسى كۇرەستە كۇشتەردى بىرىكتىرۋدىڭ, ەسىرتكىنى جەتكىزۋ جانە تاسىمالداۋ باعىتتارىن انىقتاۋداعى اگەنتتىكتىڭ مۇمكىندىكتەرىن پايدالانۋدىڭ, وسىنداي قىلمىستاردى تەرگەۋدىڭ الدىڭعى قاتارلى ءادىس-تاسىلدەرىن ۇيرەنۋدىڭ ماڭىزدىلىعىن اتاپ ءوتتى.
كەزدەسۋ بارىسىندا قارجى اعىمدارىن باقىلاۋ تەتىكتەرىنە, ودان ءارى ءارتۇرلى ەكسترەميستىك جانە تەرروريستىك ۇيىمداردى قارجىلاندىرۋعا باعىتتالاتىن ەسىرتكىنى وتكىزۋدەن زاڭسىز الىنعان پايدانى انىقتاۋعا ەرەكشە ءمان بەرىلدى.
ءامىرحان الماعانبەتوۆ.
دەرەككوز: باس پروكۋراتۋرانىڭ ءباسپاسوز قىزمەتى.
فوتو: Kazinform.kz.