وسى كۇندەرى بۇقارالىق اقپارات قۇرالدارى وكىلدەرىن رەسەيدىڭ سوچي قالاسىندا وتەتىن قىسقى وليمپياداعا قازاقستان قۇراماسىنىڭ يەلەنگەن ليتسەنزيا سانى قىزىقتىرىپ جاتقانى جاسىرىن ەمەس. كەشەدەن بەرى ينتەرنەت سايتتاردا وتانداستارىمىزدىڭ 58 جولدامانى جەڭىپ العانى جاريالاندى. بىراق, بۇل ءالى ناقتى دەرەك ەمەس. بۇل تۋرالى egemen.kz ءتىلشىسى حابارلادى.
بۇگىن ءبىز سپورت جانە دەنە شىنىقتىرۋ ىستەرى اگەنتتىگىنە حابارلاسىپ, قازاقستاننان وليمپياداعا باراتىن سپورتشىلار تۋرالى سۇراستىرعانىمىزدا, ۆەدومستۆونىڭ ءباسپاسوز قىزمەتىنىڭ جەتەكشىسى باقىتبەك حاميت ليتسەنزيا العان وتانداستارىمىز تۋرالى تولىق مالىمەت 27 قاڭتار كۇنى بەرىلەتىنىن ايتتى. «27 قاڭتار كۇنى سپورت جانە دەنە شىنىقتىرۋ ىستەرى اگەنتتىگى وليمپياداعا بايلانىستى ءباسپاسوز ءماسليحاتىن وتكىزىپ, جۋرناليستەردىڭ بارلىق سۇراقتارىنا جاۋاپ بەرەدى», دەدى ول.
داستان كەنجالين.
دەرەككوز: سپورت جانە دەنە شىنىقتىرۋ ىستەرى اگەنتتىگى ءباسپاسوز قىزمەتىنىڭ جەتەكشىسى باقىتبەك حاميت.