بيىلعى كۇز بەن قىس مەزگىلدەرىندە تايلاندتا سوڭعى ونجىلدىقتا بولماعان سۋىق اۋا رايى ورىن الدى. مۇندا اۋا تەمپەراتۋراسىنىڭ تومەندەۋى 63 ادامنىڭ قازا بولۋىنا سەبەب تۋدىرعان ەكەن. ءبۇل تۋرالى يتار-تاسس حابارلادى.
تايلاند مەتەورولوگيا دەپارتامەنتىنىڭ اقپارى بويىنشا, ادامداردىڭ ولىمىنە كوپ جاعدايلاردا سۋىق اۋا رايىنىڭ اسەرىنەن تۋىنداعان نەمەسە قوزعان اۋرۋلار سەبەپ بولۋدا.
سينوپتيكتەردىڭ دەرەگىنە قاراعاندا, كورولدىكتىڭ سولتۇستىك پەن سولتۇستىك-شىعىس پروۆينتسيالارىندا تۇنگى مەزگىلدە اۋا تەمپەراتۋراسى +4 گرادۋسقا دەيىن تومەندەيدى. سونداي-اق ەلدىڭ وتالىق بولىگىندە دە اۋا تەمپەراتۋراسىنىڭ تومەندەپ كەتكەنى بايقالادى. ماسەلەن, بۇگىن تاڭەرتەڭ بانگكوكتا رەكوردتىق تومەن تەمپەراتۋرا تىركەلدى. ول +15,6 گرادۋستى قۇرادى. تايلاند استاناسىنداعى سوڭعى 30 جىلدا اۋا تەمپەراتۋراسى مۇنشا تومەندەپ كورمەگەن ەكەن.
ايدار ورىسباەۆ.
دەرەككوز: Itar-tass.com
فوتو: Thailand-news.ru