قازاقستان كوممۋنيستەرى ءولىم جازاسى قالپىنا كەلگەنىن قالايدى. بۇل تۋرالى «جەتىنشى» تەلەارنا حابارلادى.
پارلامەنت ءماجىلىسىنىڭ دەپۋتاتى ۆلاديسلاۆ كوسارەۆتىڭ ايتۋىنشا, اۋىر قىلمىستاردىڭ جولىن ءولىم جازاسى عانا كەسە الادى. ال باس پروكۋراتۋرا كەيبىر قىلمىستارعا قاتىستى جازانى جەڭىلدەتۋ تۋرالى ۇسىنىس ايتقان ەدى. وسىعان وراي, ۆ. كوسارەۆ مىناداي مالىمدەمە جاسادى: «باس پروكۋراتۋرانىڭ ۇسىنىسى زاڭدى بۇزعانداردىڭ جازاسىن تىكەلەي جەڭىلدەتۋ دەگەن ءسوز. قوعام بۇعان قارسى. سەبەبى, قىلمىسكەرلەردەن قورلىق كورەتىندەر دە وسى ءبىزدىڭ قاراپايىم ازاماتتارىمىز».
جالپى, جاقىندا كۇن تارتىبىندە قارالعان قىلمىستىق زاڭنامانىڭ جۇمسارتىلۋىنا كوممۋنيستەر فراكتسياسى قارسىلىق ءبىلدىردى. ولاردىڭ پايىمىنشا, زاڭ جۇمساق بولسا قىلمىستىڭ سانى دا ارتادى. بىراق, بۇل تۇرعىداعى پىكىرلەر قايشىلىعى ابدەن سۇزگىدەن وتكەسىن, ءبىر شەشىم قابىلداناتىنى انىق. سوندىقتان بىزگە ناقتى قورىتىندى جاساۋ ءالى ەرتەرەك.
ءامىرحان الماعانبەتوۆ.
دەرەككوز: «جەتىنشى» تەلەارنا.
فوتو: Newsparky. Livejournal.com.