قورعانىس ءمينيسترى گەنەرال-لەيتەنانت نۇرلان ەرمەكباەۆ لاۋازىمدى تۇلعالارعا وق-دارىلەردى ساقتايتىن ەكى بازانىڭ قۇرىلىسىن ۇيىمداستىرۋ جۇمىستارىن جەدەلدەتۋدى تاپسىردى, دەپ جازادى Egemen.kz.
اتالمىش وبەكتىلەردىڭ قۇرىلىسى 2019 جىلعى قر قارۋلى كۇشتەردەگى قارۋ-جاراق پەن وق-دارىلەردى ساقتاۋ وبەكتىلەرىن جەتىلدىرۋدىڭ كەشەندى جوسپارىندا قاراستىرىلعان.
«وبەكتىلەردىڭ قۇرىلىسى وق-دارىلەردى قاۋىپسىز ساقتاۋدىڭ بارلىق جولىن ەسكەرە وتىرىپ ۇيىمداستىرىلعان. سونداي-اق كۇزەتتىڭ تەحنيكالىق قۇرالدارى, بەينەباقىلاۋ جانە اۆتوماتتى ءورت ءسوندىرۋ جۇيەلەرى كوزدەلگەن. وندا قورعانىس مينيسترلىگىنىڭ باستاماسىمەن 2020 جىلى زاڭناماعا ەنگىزىلگەن وزگەرىستەرگە سايكەس قويمالاردى ەلدى مەكەندەردەن الشاقتاتۋ, سونداي-اق ارسەنالدار مەن بازالار جانىنداعى تىيىم سالىنعان ايماقتار مەن اۋدانداردىڭ شەكارالارىن ساقتاۋ دا ەسكەرىلگەن», دەپ جازىلعان قورعانىس مينيسترلىگىنىڭ حابارلاماسىندا.