مەملەكەت باسشىسى قاسىم-جومارت توقاەۆ داۆيد دەگتيارەۆتى توكيو پاراليمپياداسىنداعى جەڭىسىمەن قۇتتىقتادى, دەپ حابارلايدى Egemen.kz.
«داۆيد دەگتيارەۆتى توكيودا ءوتىپ جاتقان XVI پاراليمپيادا ويىندارىنداعى جەڭىسىمەن قۇتتىقتايمىن. بۇل التىن مەدال – كەرەمەت جەتىستىك جانە تاباندى جاتتىعۋلار مەن مۇقالماس ەرىك-جىگەردىڭ جەمىسى. داۆيدكە جاڭا تابىس, ال پاراليمپياداداعى قازاقستاننىڭ بارلىق سپورتشىلارىنا ساتتىلىك تىلەيمىن», دەپ جازدى مەملەكەت باسشىسى ءوزىنىڭ Twitter جەلىسىندەگى پاراقشاسىندا.