«وڭتۇستىك» وڭىرلىك قولباسشىلىعىنىڭ مەحانيكالاندىرىلعان بريگادا بازاسىندا سىبايلاس جەمقورلىققا قارسى قىلمىستىق قۇقىق بۇزۋشىلىقتاردىڭ الدىن الۋ جونىندە ۆەدومستۆوارالىق كەڭەستىڭ كەزەكتى وتىرىسى ءوتتى, دەپ جازادى Egemen.kz گارنيزونىنىڭ ءباسپاسوز قىزمەتىنە سىلتەمە جاساپ.
وتىرىس بارىسىندا 2021 جىلداعى سەگىز ايدىڭ قورىتىندىسى بويىنشا اسكەري بولىم كومانديرلەرىنىڭ اسكەري ءتارتىپ پەن قۇقىقتىق ءتارتىپتىڭ جاي-كۇيى تۋرالى باياندامالارى وقىلدى.
«قۇقىق قورعاۋ ورگاندارىنىڭ وكىلدەرىمەن قىلمىستىق قۇقىق بۇزۋشىلىقتاردىڭ الدىن الۋ بويىنشا بىرلەسكەن ءىس-شارالاردى وتكىزۋ قاجەت. اسكەري ءبولىم باسشىلىعىنا قىلمىستىق قۇقىق بۇزۋشىلىقتاردى جاساۋعا جانە باسقا دا زاڭداردى بۇزۋعا ىقپال ەتەتىن سەبەپتەر مەن جاعدايلاردىجويۋ بويىنشا قولداۋ كورسەتۋگە نازار اۋدارۋ كەرەك», دەپ اتاپ ءوتتى ءوز بايانداماسىندا اسكەري پروكۋروردىڭ ورىنباسارى ادىلەت پودپولكوۆنيگى ەرمەك شالباەۆ.بارلىق بايانداما اياقتالعاننان كەيىن اسكەري پروكۋرور ادىلەت پولكوۆنيگى باعلان تەلەۋ گارنيزوننىڭ اسكەري بولىمدەرىنىڭ كومانديرلەرىنە قۇقىق بۇزۋشىلىقتاردىڭ جاسالۋىن بولدىرماۋ, سونداي-اق اسكەري قىلمىستار بويىنشا قر قك باپتارىن جەتكىزە وتىرىپ, الدىن الۋ جۇمىستارىن جالعاستىرۋ جونىندە ناقتى ۇسىنىستار بەردى.
وتىرىس اياعىندا قر قارۋلى كۇشتەرى قاتارىندا بۇرىندارى جاسالعان سىبايلاس جەمقورلىق قۇقىق بۇزۋشىلىقتارى تۋرالى بەينەفيلم كورسەتىلدى.
ۆەدومستۆوارالىق كەڭەس اياقتالعاننان كەيىن اسكەري بولىمدەردىڭ كومانديرلەرىنە قىلمىستىق قۇقىق بۇزۋشىلىقتاردىڭ الدىن الۋ جانە ولارعا جول بەرمەۋ بويىنشا مىندەتتەر قويىلدى.
كەڭەسكە قر ۇقك شەكارا قىزمەتى جانە قر ءىىم ۇلتتىق ۇلانى ۆەدومستۆولارىنىڭ وكىلدەرى, سونداي-اق گارنيزونداعى اسكەري بولىمدەر مەن مەكەمەلەردىڭ سىبايلاس جەمقورلىققا قارسى ءىس-قيمىل جونىندەگى كوميسسيالارىنىڭ باسشىلارى مەن وكىلدەرىنىڭ قاتىسۋىمەن ءوتتى.