قىزىلوردا وبلىسىندا قۇرىلىس قارقىنى جىل ساناپ ارتىپ كەلەدى. مىسالى, بىلتىر ايماقتا 152 نىسان پايدالانۋعا بەرىلدى. بۇل 2012 جىلمەن سالىستىرعاندا, 2 ەسەگە ارتىق. ناقتىراق ايتار بولساق, الدىڭعى جىلى 76 نىسان سالىنعان.
قىزىلوردا وبلىسىندا قۇرىلىس قارقىنى جىل ساناپ ارتىپ كەلەدى. مىسالى, بىلتىر ايماقتا 152 نىسان پايدالانۋعا بەرىلدى. بۇل 2012 جىلمەن سالىستىرعاندا, 2 ەسەگە ارتىق. ناقتىراق ايتار بولساق, الدىڭعى جىلى 76 نىسان سالىنعان.
ال وتكەن جىلى بوي كوتەرگەن نىسانداردىڭ ىشىندەگى 23 عيمارات ءبىلىم سالاسىنا تيەسىلى ەكەن. اتاپ ايتقاندا, 19 مەكتەپ پەن 4 بالاباقشا پايدالانۋعا بەرىلگەن. دەنساۋلىق ساقتاۋ سالاسى بويىنشا 3 ەمحانا, 11 امبۋلاتوريا, 2 فەلدشەرلىك-اكۋشەرلىك پۋنكت بوي كوتەرگەن. ال, 8 نىسان – مادەني وشاقتار.
سونداي-اق, 2 كوممۋنالدىق شارۋاشىلىق نىسانى جانە 1 مەملەكەتتىك مەكەمە عيماراتى اشىلدى. بۇدان بولەك, وبلىستا 1 قورشاعان ورتانى قورعاۋ, 1 تابيعي جانە تەحنوگەندىك باعىتتاعى نىساننىڭ قۇرىلىسى اياقتالعان.
8 نىسان «بيزنەستىڭ جول كارتاسى-2020» باعدارلاماسى اياسىندا سالىندى. ال, 2013 جىلى «قولجەتىمدى باسپانا-2020» مەملەكەتتىك باعدارلاماسى بويىنشا 91 تۇرعىن ءۇي پايدالانۋعا بەرىلدى.
وسىنداي جۇيەلى جۇمىستىڭ ارقاسىندا قىزىلوردا وبلىسى 2013 جىلدىڭ ءبىرىنشى جارتى جىلدىعىندا قۇرىلىس سالۋ قارقىنى بويىنشا رەسپۋبليكادا ءبىرىنشى ورىنعا شىققانىن دا ايتا كەتكەن ابزال شىعار.
«ەگەمەن-اقپارات».