*ەكسپو-2017 حالىقارالىق كورمەسىن وتكىزۋ قارساڭىندا ەلوردا اۋماعىنا جاس كوشەتتەر وتىرعىزۋ ودان ءارى جالعاستىرىلاتىن بولادى. سوڭعى جىلداردىڭ وزىندە باس قالانىڭ 14 مىڭ گەكتارىنا جاس كوشەتتەر وتىرعىزىلعان. ال 2017 جىلعا دەيىن استانا ءتوڭىرەگىنىڭ 40 پايىزعا جۋىعى ورمان-توعاي بولادى.
*ەكسپو-2017 حالىقارالىق كورمەسىن وتكىزۋ قارساڭىندا ەلوردا اۋماعىنا جاس كوشەتتەر وتىرعىزۋ ودان ءارى جالعاستىرىلاتىن بولادى. سوڭعى جىلداردىڭ وزىندە باس قالانىڭ 14 مىڭ گەكتارىنا جاس كوشەتتەر وتىرعىزىلعان. ال 2017 جىلعا دەيىن استانا ءتوڭىرەگىنىڭ 40 پايىزعا جۋىعى ورمان-توعاي بولادى.
*قاشاعان كەن ورنىنداعى «د» ارالىنان تارتىلعان مۇناي قۇبىرى تەكسەرىلەدى. دياگنوستيكالىق سناريادتىڭ كومەگىمەن ۇزىندىعى 96 شاقىرىم گاز قۇبىرىن تەكسەرۋگە ارنايى ماماندار بولىنگەن. بۇل جۇمىستى ىسكە اسىرۋ وندىرىستىك گازدىڭ كەمۋىنە بايلانىستى جوسپارلانعان بولاتىن.
*ەلىمىزدە جاڭا جۇك ەلەكتروۆوزدارى سىناقتان وتكىزىلۋدە. ەكى سەكتسيالى ەلەكتروۆوزدىڭ نومينالدىق قۋاتى - 8800 كۆت. كونسترۋكتسيالىق جىلدامدىعى 120 كم/ساعاتقا تەڭ. جاڭا تەحنيكادا باسقارۋ مەن دياگنوستيكانىڭ كەشەندى ميكروپروتسەسسورلىق جۇيەسى قاراستىرىلعان. سونداي-اق, بۇل ەلەكتروۆوزدا كليمات-باقىلاۋدى باسقارۋ كابيناسى بار.
*31 جەلتوقسان مەن 1 قاڭتار ارالىعىنداعى 2 كۇندە ەلىمىزدە 1203 بالا دۇنيەگە كەلدى. بالا تۋ كورسەتكىشى بويىنشا وڭتۇستىك قازاقستان وبلىسى كوش باستاپ تۇر. مۇندا 262 ءسابي جارىق دۇنيە ەسىگىن اشتى.
*«كوشپەندىلەر» تريلوگياسىنىڭ اۆتورى, جازۋشى ءى. ەسەنبەرليننىڭ 100 جىلدىعى 2015 جىلى يۋنەسكو كولەمىندە اتاپ وتىلەدى. سونداي-اق, وسى جىلى اقمولا وبلىسى اتباسار اۋدانىنىڭ ورتالىعىنداعى الاڭدا قالامگەرگە ارنالعان ەڭسەلى ەسكەرتكىش بوي كوتەرمەك.
*شىعىس قازاقستان وبلىسىندا اكىمدەردىڭ حالىق الدىندا ەسەپ بەرۋ كەزدەسۋلەرى باستالدى. كەشە العاشقى بولىپ اۋىلدىق ءجانە كەنت وكرۋگى اكىمدەرى ەسەپ بەردى. جەكەلەگەن ماسەلەلەر بويىنشا تۇرعىندار تالابى ەسكەرىلەتىن بولدى.
*2016 جىلى پاۆلودار مۇناي-حيميا زاۋىتى ەكولوگيالىق ك4 تۇرىندەگى جانارماي مەن ك5 تۇرىندەگى ديزەل وتىنىن شىعارا باستايدى. بۇل ءوندىرىستى جاڭعىرتۋ نەگىزىندە ىسكە اسىرىلعالى وتىر.
*الماتى وبلىسىندا قار قۇرساۋىندا قالعان 5 ادام قۇتقارىلدى. ولاردىڭ كولىكتەرى «ءۇشارال – دوستىق» رەسپۋبليكالىق ماڭىزى بار اۆتوكولىك جولىنىڭ 94-ءشى شاقىرىمىندا جۇرمەي قالدى. اتالعان جولدىڭ جابىلعانى تۋرالى مالىمەت الدىن الا جاريالانعانىمەن, ازاماتتار بۇل ەسكەرتۋگە ءمان بەرمەگەن.
*قاراعاندى وبلىسى «بەسوبا» شاعىن اۋدانىندا وپىرىلىپ قۇلاعان ءۇيدىڭ تۇرعىندارىنا جاڭادان بوي كوتەرگەن «شاپاعات» تۇرعىن ءۇي كەشەنىنەن پاتەر بەرىلدى. بۇل جەرگە 27 وتباسى قونىستاندى. ال قالعان 200-دەن استام وتباسىعا جىل سوڭىنا دەيىن پاتەر كىلتى تابىس ەتىلەدى.
«bnews.kz», Egemen.kz حابارلارى بويىنشا دايىندالدى.