جاقىندا اقتوبە قالاسىندا بىرەگەي «دوستىق» سۋ سپورتى ورتالىعى پايدالانۋعا بەرىلدى. ورتالىقتىڭ كىرەبەرىسىنە كەرىلگەن كوك لەنتانى وبلىس اكىمى ارحيمەد مۇحامبەتوۆ پەن سپورت ارداگەرى كادىرجان ىزعارين قيدى.
جاقىندا اقتوبە قالاسىندا بىرەگەي «دوستىق» سۋ سپورتى ورتالىعى پايدالانۋعا بەرىلدى. ورتالىقتىڭ كىرەبەرىسىنە كەرىلگەن كوك لەنتانى وبلىس اكىمى ارحيمەد مۇحامبەتوۆ پەن سپورت ارداگەرى كادىرجان ىزعارين قيدى.
50 مەترلىك باسسەينى بار سۋ سپورتى ورتالىعىنىڭ اشىلۋىندا ءوڭىر باسشىسى 2012 جىلى 40-تان استام جاساندى جامىلعىلى شاعىن سپورت الاڭدارى, ات سپورتى مەكتەبى, «اۆياتور» ستاديونى ىسكە قوسىلعانىن تىلگە تيەك ەتە كەلىپ, ەلباسىنىڭ بۇقارالىق سپورتپەن اينالىسۋشىلاردىڭ سانىن 2020 جىلعا قاراي 30 پايىزعا جەتكىزۋ جونىندەگى تاپسىرماسىن مەرزىمىنەن بۇرىن ورىنداۋدىڭ العىشارتى بار ەكەنىن جەتكىزدى. ونىڭ ايتۋىنشا, قازىردىڭ وزىندە وڭىردە بۇقارالىق سپورتقا تارتىلعاندار وبلىس حالقىنىڭ 25 پايىزىن قۇرايتىن كورىنەدى. مۇنداي بىرەگەي سۋ سپورتى ورتالىعى وبلىستا ءبىرىنشى رەت پايدالانۋعا بەرىلىپ وتىر.
اكىمشىلىك كورپۋس پەن باسسەين زالىنان تۇراتىن ورتالىقتىڭ قۇرىلىسىن جۇرگىزگەن «ينتەرستال» جشس ءبىر جارىم جىلدا وسىنداي بىرەگەي نىساندى ىسكە قوستى. عيماراتتىڭ اۋماعى 9182,5 شارشى مەتردى قۇرايدى. بۇل باسسەيندە سپورتتىق جانە سينحروندى جۇزۋمەن, سۋ دوبىمەن اينالىسۋعا بولادى. ۇزىندىعى 50 مەترلىك ون جولى بار باسسەين زاماناۋي قۇرالدارمەن جابدىقتالعان. سۋىنىڭ تەرەڭدىگى 2-3 مەتر بولادى. مۇنىڭ ءوزى سۋ دوبى, ءجۇزۋ جانە سينحروندى ءجۇزۋ سياقتى سپورت تۇرلەرىنەن ازيا جانە قازاقستان چەمپيوناتتارىن, اشىق تۋرنيرلەر مەن وبلىس جانە قالا بىرىنشىلىكتەرىن, حالىقارالىق جارىستاردى وتكىزۋگە مۇمكىندىك بەرەدى. مۇندا جارىستاردىڭ ناتيجەلەرى كورسەتىلەتىن كولەمى 9ح6 مەترلىك ەلەكتروندى تابلو ورناتىلعان. باسسەين تاۋلىگىنە 16 ساعات جۇمىس ىستەيدى. ءبىر اۋىسىمدا ءجۇزۋ سپورتىمەن 250 ادامعا دەيىن اينالىسا الادى.
سۋ سپورتى ورتالىعىندا زاماناۋي سپورتتىق قۇرالدارمەن جابدىقتالعان اۋدانى 203 شارشى مەتر سپورت, گيمناستيكا جانە سپورتالدى دايىندىق زالدارى, ەر ادامدار مەن ايەلدەردىڭ كيىنەتىن جانە جۋىناتىن ورىندارى مەن ساۋنالار, بۋفەت, دارىگەرلىك جانە باسقا بولمەلەر بار. بۇل ورتالىقتى سالىپ, كەرەك-جاراقپەن قامتاماسىز ەتۋگە 1 400 ميلليون تەڭگەدەن استام قارجى جۇمسالعان.
ساتىبالدى ءساۋىرباي,
«ەگەمەن قازاقستان».
اقتوبە وبلىسى.