شىعىس قازاقستان وبلىسى, وسكەمەن قالاسىندا جاڭا تۋعان نارەستەسىن ولتىرگەن 21 جاسار قىز تۇرمەگە وتىرمايتىن بولىپ جازاعا كەسىلدى. بۇل تۋرالى Ras.kz حابارلادى.
بۇل سۇمدىق جانتۇرشىگەرلىك وقيعا وتكەن جىلعى 23 قىركۇيەك كۇنى ورىن العان بولاتىن. وبلىس ورتالىعىنىڭ 21 جاسار تۇرعىنى, ەكىنشى توپتاعى مۇگەدەك ۇيىندە ءوز تولعاعىنىڭ مەرزىمىنەن بۇرىن كەلۋىنە ارەكەت جاسايدى. سوسىن جارىققا شىققان شاقالاقتىڭ داۋسىن كورشى بولمەدەگى باسقا تۋىستارى بىلمەۋى ءۇشىن ونى سول بويدا تۇنشىقتىرىپ ولتىرەدى. ونىڭ دەنەسىن پوليەتيلەن پاكەتكە سالىپ, كوشەگە لاقتىرىپ جىبەرمەكشى بولادى. الايدا, ايەلدىڭ جاعدايى كەنەت ناشارلاپ كەتەدى دە, ول ۇيدەگىلەردى كومەككە شاقىرۋعا ءماجبۇر بولعان. ارتىنشا «جەدەل جاردەم» جەتىپ كەلەدى.
پوليتسەيلەردىڭ ايتۋلارىنشا, اناسى قىزىنىڭ ەكىقابات ەكەنىن دە, ونىڭ ءوز بولمەسىندە تۋىپ جاتقانىن دا بىلمەپتى.
جەلتوقساننىڭ سوڭىندا بالا ءولتىرۋ ءىسى بويىنشا سوت پروتسەسى ءوزىنىڭ مارەسىنە جەتتى. وبلىستىق سوت ءباسپاسوز قىزمەتىنىڭ اقپارىندا 21 جاستاعى تۇرعىن جاڭا تۋعان قىزىن ولتىرگەنى ءۇشىن ايىپتى دەپ تانىلعانى تۋرالى جازىلعان.
سايت ءتىلشىسىنىڭ مالىمدەۋىنشە, وسكەمەن قالالىق №2 سوتى ايىپكەرگە قىلمىستىق كودەكستىڭ 97-بابىنا سايكەس, باس بوستاندىعىن ءۇش جىلعا دەيىن شەكتەۋ دەگەن جازا قولداندى. بۇل جازا بولا الماي قالعان انانى قوعامنان وقشاۋلامايدى, ول بۇرىنعىسىنشا ءوز ۇيىندە بولا بەرەدى. الايدا, ايەل ەندى ارناۋلى قىزمەت ورگاندارى قىزمەتكەرلەرىنىڭ ۇدايى باقىلاۋىندا بولادى ەكەن.
باقىتبەك كەنەش ۇلى.
دەرەككوز: Ras.kz
فوتو: Ras.kz.