الەم مەديتسيناسى كۇرەسىپ كەلە جاتقان قاتەرلى ىسىكتىڭ الدىن الۋعا نە اسەر ەتەتىنى انىقتالدى. بۇل تۋرالى Muftiyat.kz حابارلادى.
رەسپۋبليكا بويىنشا قاتەرلى ىسىككە شالدىققاندار ەمىنە شيپا ىزدەپ, ءتىپتى وزگە مەملەكەتتەرگە بارادى. ەندى ونىڭ الدىن الۋعا بولاتىنى ءمالىم بولىپ وتىر.ماسەلەن, كاير قالاسىنىڭ (مىسىر) ۇلتتىق ساۋلەلەر تەحنولوگياسى ورتالىعى ساجدەنىڭ ادامدى قاتەرلى ىسىكتەن ساقتايتىنىن انىقتاعان.
زەرتتەۋ ناتيجەسى ساجدەنىڭ, اسىرەسە, جۇكتى ايەلدەرگە بارىنشا پايدالى ەكەنىن جانە تۇسىك تاستاۋ قاۋپىنىڭ الدىن الاتىنىن, سونىمەن قاتار, بىرقاتار فيزيكالىق جانە پسيحولوگيالىق اۋرۋلارعا دا وڭتايلى اسەر ەتەتىنىن دالەلدەپ بەردى.
ساۋلەلەر تەحنولوگياسى ورتالىعىنىڭ ءبولىم باستىعى, بيولوگيا پروفەسسورى مۇحاممەد زياددين حاميد بۇگىندە ادامداردى جان-جاعىنان ەلەكتروماگنيتتىك تولقىندار قورشاپ تۇرعاندىقتان, وزىنە قانشاما زياندى ساۋلەلەر قابىلدايتىنىن جانە ونى دەنەسىنەن سىرتقا قالاي دا شىعارۋ كەرەكتىگىن ايتادى. ادام دەنەسىندەگى بۇل ەلەكتروماگنيت اللاعا ساجدە ەتۋمەن سىرتقا شىعاتىنى انىقتالدى. ياعني, بويداعى ەنەرگيا ساجدەگە بارعاندا جەرگە تيەتىن ادامنىڭ جەتى اعزاسى ارقىلى سىرتقا جىلدام شىعادى ەكەن. بۇل ادامنىڭ شارشاۋىن باسىپ, كەيبىر اۋرۋلارعا شيپالى بولاتىن كورىنەدى. سوسىن ساجدەگە بارعاندا دا جەر ءجۇزىنىڭ كىندىگى سانالعان قاعباعا قاراۋ كەرەكتىگىن دە ماڭىزدى دەپ سانايدى. بۇل بويداعى جاعىمسىز ەنەرگيانىڭ سىرتقا شىعۋىنا ەڭ قولايلى پوزيتسيا كورىنەدى.
پروفەسسور زياددين ادامنىڭ تاڭ نامازىن وقۋ ارقىلى بويداعى جاعىمسىز ەلەمەنتتەردەن ارىلىپ, كۇنىن سەرگەك باستايتىنىن ايتادى. ال بەسىن, ەكىنتى, اقشام نامازدارى ادام بويىنداعى شارشاۋدى, كۇيزەلىستى ازايتىپ, ادامعا پسيحولوگيالىق جايلى كوڭىل-كۇي سىيلايدى. قۇپتان نامازى بولسا, دەنەدەگى قالعان ەلەكتروماگنيتتى بويدان سىلكىپ تاستاپ, جايلى دا راحات ءبىر ۇيقىعا كەتۋگە سەپتىگىن تيگىزەدى ەكەن.
باقىتبەك كەنەش ۇلى.
دەرەككوز: Muftiyat.kz
فوتو: Nurotau.kz.