قازاقستاندىق سپورتشىلار يتاليانىڭ برەشيا قالاسىندا ءوتىپ جاتقان باتۋتتاعى گيمناستيكادان كەزەكتى الەم كۋبوگىندا كۇمىس جۇلدە جەڭىپ الدى.
كۋبوكتىڭ كەزەكتى كۇنىندە جارىس جولىنا شىققان وتاندىق گيمناستار دانيل مۇساباەۆ پەن رومان باركوۆ سينحروندى سەكىرۋدە ءتۋرنيردىڭ كۇمىس جۇلدەگەرى اتاندى. ال ءبىر كۇن بۇرىنعى جەكەلەي سىندا دانيل مۇساباەۆ 13-ءشى, رومان باركوۆ 17-ءشى ورىننان كورىنىپ, فينالدان تىس قالعان بولاتىن.
ايتا كەتەيىك, بىلتىر ازەربايجان استاناسى – باكۋدە ۇيىمداستىرىلعان الەم كۋبوگىندا دانيل مۇساباەۆ پيرمامماد اليەۆپەن بىرگە جۇپتىق سىندا قولا مەدال جەڭىپ العان بولاتىن.