قۇسايىن يگەمباەۆ قاراعاندى وبلىسىنىڭ پروكۋرورى بولىپ تاعايىندالدى, دەپ حابارلايدى Egemen.kz.
«پرەزيدەنت اكىمشىلىگىنىڭ كەلىسىمى بويىنشا قاراعاندى وبلىسىنىڭ پروكۋرورى قىزمەتىنە 3-سىنىپتى مەملەكەتتىك ادىلەت كەڭەسشىسى يگەمباەۆ قۇسايىن ابزالبەك ۇلى تاعايىندالدى», دەلىنگەن حابارلامادا.
قۇسايىن يگەمباەۆ 1962 جىلى قاراعاندى وبلىسى بالقاش قالاسىندا دۇنيەگە كەلگەن. بوكەتوۆ اتىنداعى قاراعاندى مەملەكەتتىك ۋنيۆەرسيتەتىن «قۇقىقتانۋ» ماماندىعى بويىنشا بىتىرگەن.
ەڭبەك جولىن 1986 جىلى جەزقازعان پروكۋراتۋراسىندا تەرگەۋشى بولىپ باستاعان. تەمىرتاۋدىڭ پروكۋرورى, قاراعاندى وبلىسى پروكۋرورىنىڭ ءبىرىنشى ورىنباسارى, باس اسكەري پروكۋروردىڭ ورىنباسارى جانە ءبىرىنشى ورىنباسارى, شىعىس ءوڭىرىنىڭ اسكەري پروكۋرورى, باس پروكۋراتۋرانىڭ دەپارتامەنت باستىعى بولدى.
سوڭعى ءتورت جىلدا شىعىس قازاقستان وبلىسىنىڭ پروكۋراتۋراسىن باسقارعان.