قىزىلوردا وبلىسىندا جول اپاتىنان ءتورت ادام كوز جۇمىپ, ءبىر ادام دەنە جاراقاتىن الدى, دەپ حابارلايدى Egemen.kz.
وقيعا 29 مامىردا ساعات تۇنگى 23.00 شاماسىندا بولعان. «باتىس ەۋروپا - باتىس قىتاي» تاس جولىنىڭ قىزىلوردا وبلىسى اۋماعىنداعى 1466 شاقىرىمىندا MAN جۇك كولىگى مەن «Mercedes» جەڭىل كولىگى سوقتىعىسقان. كەلەڭسىز جاعداي قازالى اۋدانىنىڭ اۋماعىندا بولدى.
«اتالعان جول-كولىك وقيعاسى بويىنشا قر قىلمىستىق كودەكسىنىڭ 345-بابىنىڭ 4-بولىگىمەن سوتقا دەيىنگى تەرگەپ-تەكسەرۋ امالدارى جۇرگىزىلۋدە. وندا اۆتوموبيلدi باسقاراتىن ادامنىڭ جول ءجۇرىسى قاعيدالارىن بۇزىپ, ابايسىزدا ەكi نەمەسە ودان دا كوپ ادامنىڭ ولiمiنە اكەپ سوعۋ جاعدايى كورسەتىلگەن. جول اپاتىنان 4 ادام كوز جۇمدى, ال 1 ادام دەنە جاراقاتىمەن مەديتسينالىق مەكەمەگە جەتكىزىلدى. ءتيىستى سوت ساراپتامالارى تاعايىندالدى. وقيعانىڭ ءمان-جايى انىقتالۋدا», دەپ ءمالىم ەتتى قىزىلوردا وبلىستىق پوليتسيا دەپارتامەنتىنىڭ ءباسپاسوز قىزمەتىنەن.