جايىقتىڭ جايى ەكى مەملەكەتتىڭ نازارىندا

ەكولوگيا, گەولوگيا جانە تا­بيعي رەسۋرستار ءمينيسترى ماع­زۇم مىرزاعاليەۆ رەسەي فەدە­راتسياسى تابيعي رەسۋرستار جانە ەكولوگيا ءمينيسترى الەكساندر كوزلوۆپەن كەزدەسىپ, وزەن بو­يىن­داعى گيدرولوگيالىق جىلنا­مالارمەن الماسۋدى ۇسىندى.

«جايىق وزەنىنە قاتىستى قور­دالانعان پروبلەمالار سۋ شا­رۋاشىلىعى سالاسىنداعى ىن­تىماقتاستىعىمىزدىڭ نەگىز­گى ما­سەلەلەرىنىڭ ءبىرى. وزەن سۋى­ تارتىلۋىنىڭ الدىن الۋ جانە ەكوجۇيەنىڭ ناشارلاۋى باس­سەيننىڭ سۋ شارۋاشىلىعى جۇيە­سىن كەشەندى زەردەلەۋدى تالاپ ەتەدى. وسىعان بايلانىس­تى جا­يىققا قاتىستى گيدرولو­گيا­لىق جىلنامالارمەن الماسۋ تاجى­ريبەسىن تۇراقتى نەگىزدە ەن­گىزۋدى ۇسىنامىن», دەدى م.مىر­زاعاليەۆ.

1981 جىلعا دەيىن جايىق وزەنىنە بايلانىستى بىرىڭعاي گيدرو­لوگيالىق جىلنامالىق بول­سا, 1982 جىلدان باستاپ قازكسر مەن رفكسر تەر­ري­تو­ريا­­لارى بويىنشا جەكە-جە­كە گيدرو­لوگيالىق جىلناما جۇرگىزىلىپتى. كەڭەس وداعى ىدى­را­عاننان كەيىن ءار مەملەكەت ونى ءوز بەتىنشە قۇ­راس­تىرۋعا بەل بۋدى.

تاعى ءبىر تەتىك رەتىندە رە­سەي­لىك تاراپپەن بىرلەسىپ, وزەن باس­سەينىنە تاياۋ ورنالاسقان كا­سىپورىنداردىڭ بىرىڭعاي ءتى­زى­مىن جاساپ, ءار كاسىپورىننىڭ وزەنگە اسەر ەتۋ دەڭگەيىنە تالداۋ جۇرگىزۋ ۇسىنىلدى.

«جايىق وزەنى باسسەينىنىڭ ەكوجۇيەسىن ساقتاۋ مەن قالپىنا كەلتىرۋدىڭ 2021-2024 جىلدارعا ارنالعان باعدارلاماسى ارقىلى اتالعان باسسەينگە لاستاۋشى زات­­­تاردى توگەتىن كاسىپورىندار انىق­­تالدى. ولاردىڭ سانى – 297. بىر­ىڭعاي رەەستر بۇكىل وزەن با­س­سەي­نى بويىنشا جاعدايدىڭ كە­شەن­دى كورىنىسىن جاساۋعا مۇم­كىن­دىك بە­رەدى», دەدى ەلىمىزدىڭ باس ەكولوگى.

ۆەدومستۆو باسشىسىنىڭ اي­تۋىنشا, كاسىپورىنداردا اي­نال­مالى سۋمەن جابدىقتاۋ جۇيە­سىن, سۋدى تازارتۋدىڭ ءتيىم­دى جۇيەسىن, سونداي-اق اۋىل شارۋا­شى­لىعىندا سۋدى ۇنەمدەۋ تەحنولوگياسىن ەنگىزۋ ماڭىزدى باس­تاما بولادى.