جىگەرسىز جىگىتتەر جاپونياعا جەتە المايدى

ماقتاۋلى ەلدوس سمەتوۆتەن بولەك, تاعى ءبىر قانداسىمىز «توپ-10» دزيۋ­دوشىنىڭ قاتارىنا ەنىپ وتىر. ول – گۇسمان قىرعىزباەۆ. اتالعان بالۋان دا اسا جەڭىل سالماقتا ونەر كورسەتەدى. گۇسمان وزبەكستانداعى تۋرنيرگە قا­تىسقان جوق. بىراق سوعان قاراماستان الەمدىك رەيتينگتەگى 10-ورنىن ساقتاپ قالدى. سول سەكىلدى 66 كيلو سالماق دارە­جەسىندە دە قازاقستاندىق تاتامي شەبەر­لەرىنىڭ ورىندارى وزگەرىسسىز قالىپ وتىر. اتاپ ايتساق, قازىرگى كەزدە ەرلان سەرىكجانوۆ 11-ورىندى يەلەنسە, ەلدوس جۇماحانوۆ 25-ساتىعا جايعاسقان.

ەسەسىنە 73 كيلو سالماق دارەجەسىندەگى جاعدايىمىز جاقساردى. بەتكە ۇستار بالۋانىمىز جانساي سماعۇلوۆ تاشكەنتتە وتە تاماشا ونەر كورسەتكەنى وزدەرىڭىزگە ءمالىم. ۇلىبريتانيا, شۆەيتساريا جا­نە وز­بەكستاننىڭ وكىلدەرىن جولى­نان وڭاي ىعىستىرعان ول جارتىلاي في­­نالدا ارمەنيالىق فەرديناند كا­را­­پەتياندى قاپى قالدىردى. اقتىق اي­قاستا تورەشىنىڭ ورەسكەل قاتەلىگى سالدارىنان موڭعوليالىق تسەند-وچيرين تسوگتبااتارعا جول بەردى. ءسويتىپ, جان­ساي كۇمىس مەدالدى قاناعات تۇتۋعا ءماجبۇر بولدى. دەسەك تە فينالعا دەيىن جەتكەنىنىڭ ارقاسىندا ول ۇزدىكتەر تىزىمىندە بىردەن بەس ساتىعا جوعارىلادى. بۇل كۇندەرى سماعۇلوۆ 14-ورىندى ەنشىلەۋدە.

تاشكەنتتەگى تۋرنيردە 81 كيلو سال­ماقتا ەكى جەرلەسىمىز كۇش سىناس­تى. وكى­نىشكە قاراي, ەكەۋىنىڭ دە جو­لى بول­مادى. رۋسلان مۇساەۆ ەكىنشى اينالىمدا سۇرىنسە, ديدار حامزا ءۇشىنشى كەزەڭدە جەر سيپاپ قالدى. قازىرگى كەزدە الەمدىك رەيتينگتە ديدار 27-ورىندا تۇر­سا, رۋسلان 45-ساتىعا تۇراقتادى. ارينە, بۇل كوڭىل كونشىتەرلىك ناتيجە ەمەس. ەگەر جەرلەستەرىمىزدىڭ جاز ايلارىندا جاپونياعا بارىپ, وليمپيا ويىندارىنىڭ كورىگىن قىزدىرساق دەگەن جوسپارى بولسا, وندا دەرەۋ نامىستى قامشىلاپ, ىرىكتەۋ سىندارىندا بارىنشا ناتيجەلى ونەر كورسەتۋگە تالپىنۋلارى قاجەت.

90 كيلو سالماقتاعى يسلام بوزباەۆ­تىڭ دا ناتيجەسى بىرتە-بىرتە ناشارلاپ كەلەدى. قازىر ول 19-ورىندى مىسە تۇ­تۋدا. ال الىپتارمەن ايقاسىپ جۇر­گەن نار تۇلعالى جىگىتتەرىمىزدىڭ حال­دەرى تىپتەن مۇشكىل. بۇگىنگى تاڭدا 100 كيلو سالماقتاعى ايبەك سەرىك­باەۆ 52-ورىندا تۇرسا, +100 كيلو سال­ماقتاعى ەر­اسىل قاجىباەۆ 37-ساتىعا جاي­عاس­قان. ارينە, ءدال وسىنداي قارقىنمەن ولاردىڭ جا­پونياعا جەتە المايتىنى انىق.

بايىپتاپ قاراساڭىزدار, قازىرگى كەزدە جاپونيا قۇراماسىنىڭ قارقىنى وتە كۇشتى. كۇنشىعىس ەلىنىڭ التى بالۋانى الەمدىك رەيتينگتە «توپ-5» بالۋاننىڭ قاتارىنا ەنىپ وتىر. ولاردىڭ ەكەۋى مىقتىلار كوشىن باستاپ تۇر. گرۋزيانىڭ بەس دزيۋدوشىسى ءدال سونداي قۇرمەتكە بولەنىپ وتىر. قاپ تاۋى قىراندارى اراسىندا ءبىر كوشباسشى بار. سونداي-اق رەسەي, نيدەرلاند جانە ءيزرايلدىڭ دە اياقالىسى قۋانتادى. بۇل مەملەكەتتەردىڭ ارقايسىسىنان ءۇش بالۋاننان ۇزدىك بەستىكتىڭ قاتارىندا.

ءدال وسى تۇستا بىزگە دە نامىستى قام­شىلاۋ قاجەت. ويتكەنى ءدال قازىرگى كەزدە ەلدوس سمەتوۆ, عۇسمان قىرزىزباەۆ, ەرلان سەرىكجانوۆ جانە جانساي سماعۇلوۆتىڭ عانا ونەرى كورەرمەندەر كوڭىلىنەن شىعۋدا. ورتا سالماقتاعى بالۋاندارىمىزدىڭ جاعدايى ورتاشا. ولاردىڭ دا ماردىمدى ونەر كورسەتە الماي جۇرگەنىنە ءبىراز ۋاقىت بولدى. ال اۋىر جانە اسا اۋىر سالماقتاعى جىگىت­تەرىمىزدىڭ ناتيجەسى وتە تومەن. ەگەر جۋىق ارادا وسى كەمشىلىكتەردى تۇزەمەسەك, وندا توكيو تاتاميىندە قازاق ەلىنىڭ ساناۋلى عانا دزيۋدوشىلارىن كورەتىنىمىز انىق.

ەرلەر اراسىندا الەمدىك رەيتينگتىڭ ۇزدىك بەستىگى

60 كيلو: 1.ريۋدزيۋ ناگاياما (جاپونيا), 2.ەلدوس سمەتوۆ (قازاقستان), 3.روبەرت مشۆيدوبادزە (رەسەي), 4.ناوحيسا تاكاتو (جاپونيا), 5.شارافۋتدين لۋتفۋللاەۆ (وزبەكستان).

66 كيلو: 1.مانۋەل لومباردو (يتاليا), 2.ۆاجا مارگۆەلاشۆيلي (گرۋزيا), 3.حوشيرو مارۋياما (جاپونيا), 4.ان باۋل (وڭتۇستىك كورەيا), 5.بارۋش شمايلوۆ (يزرايل).

73 كيلو: 1.سويتي حاسيموتو (جاپونيا), 2.رۋستام ورۋدجەۆ (ازەربايجان), 3.ان چانگ ريم (وڭتۇستىك كورەيا), 4.توحار بۋتبۋل (يزرايل), 5.ارتۋر مارگەليدون (كانادا).

81 كيلو: 1. ماتتياس كاسس (بەلگيا), 2.ساگي مۋكي (يزرايل), 3.تاتو گريگالاشۆيلي (گرۋزيا), 4.ۆەبات البايراق (تۇركيا), 5.فرانك دە ۆيت (نيدەرلاند).

90 كيلو: 1.نيكولوز شەرازاديشۆيلي (يسپانيا), 2.نوەل ۆان ’ت ەند (نيدەرلاند), 3.لاشا بەكاۋري (گرۋزيا), 4.فيليپپە سيلۆا مورالەس (كۋبا), 5.نەمانيا مايدوۆ (سەربيا).

100 كيلو: 1.ۆارلام ليپارتەلياني (گرۋزيا), 2.پەتەر پالچيك (يزرايل), 3.ميحاەل كوررەل (نيدەرلاند), 4.جورجە فونسەكا (پورتۋگاليا), 5.نياز ءىلياسوۆ (رەسەي).

+100 كيلو: 1.لۋكاش كرپالەك (چەحيا), 2.ينال تاسوەۆ (رەسەي), 3.گۋرام تۋشيشۆيلي (گرۋزيا), 4.حيسايوشي حاراساۆا (جاپونيا), 5.كوكورو كاگەۋرا (جاپونيا).