كاتاردىڭ باس شاھارى – دوحادا ۇستەل تەننيسىنەن بيىل توكيودا الاۋى تۇتاناتىن جازعى وليمپيا ويىندارىنىڭ ىرىكتەۋ ءتۋرنيرى ءوز مارەسىنە جەتتى, دەپ حابارلايدى Egemen.kz.
پارسى شىعاناعىندا وتكەن جارىسقا الەمنىڭ ەڭ مىقتى دەگەن ويىنشىلارىنىڭ تۇگەلگە دەرلىگى قاتىستى. ەرلەر مەن ايەلدەردى قوسا العاندا, بارلىعى 141 سپورتشى باق سىنادى. وكىنىشكە قاراي, قازاقستاننىڭ بىردە-ءبىر وكىلى جولدامانى يەلەنبەك تۇرماق, العاشقى اينالىمنان دا اسا المادى. وسى دوداداعى باستى ءۇمىتىمىز كيريلل گەراسيمەنكو ەدى. بىرقاتار حالىقارالىق جارىستاردا تابىستى ونە كورسەتىپ, الەمدىك رەيتينگتە «توپ-50» ۇستەل تەننيسشىلەرىنىڭ قاتارىنا ەنىپ وتىرعان جەرلەسىمىز تۇساۋكەسەر كەزدەسۋىندە ۇزدىكتەر تىزىمىندە 93 ورىندا تۇرعان ليۋبومير ياپچاريككە 2:4 ەسەبىمەن ەسە جىبەردى.
سونداي-اق, ايدوس كەنجەعۇلوۆ ليۋكسەمبۋرگتىق ەريك كلودقا, زاۋرەش اقاشەۆا ۋەلستىك شارلوتت كەريگە جانە اناستاسيا لاۆروۆا يتاليالىق دەبورا ۆيۆارەلليگە جول بەردى. بۇل باسەكەلەردىڭ بارلىعىندا 0:4 ەسەبى تىركەلدى.