الماتىدا سپورتتىق گيمناستيكادان ءداستۇرلى رەسپۋبليكالىق تۋرنير ءوز مارەسىنە جەتتى. بۇل جارىستا شىمكەنتتىك ورەندەر تاماشا ونەر كورسەتتى, دەپ حابارلايدى Egemen.kz
ساراپقا سالىنعان التى باس جۇلدەنىڭ تەڭ جارتىسىن شىمكەنتتىڭ گيمناسشىلارى جەڭىپ الدى. ءبىر عاجابى, سول التىن مەدالداردىڭ ۇشەۋىن دە فارۋح نابيەۆ يەلەندى. ول قولدى تىرەپ سەكىرۋ, باعانا جانە كەرمە جاتتىعۋلارى بويىنشا الدىنا جان سالمادى. سونداي-اق, فارۋحتىڭ قورجىنىندا تاعى ەكى قولا جۇلدە بار.
ال قالعان ءۇش التىندى الماتى قالاسىنىڭ وكىلدەرى قانجىعالارىنا بايلادى. ولار – ءىلياس ءازيزوۆ (ەركىن جاتتىعۋ), ناريمان قۇرربانوۆ (ات) جانە اقپار جالالي (شىعىرشىق).