كەشە تۇركيانىڭ ىستانبۇل قالاسىندا كاراتەدەن اسا ءىرى حالىقارالىق تۋرنير باستالدى. العاشقى كۇنى قازاقستان قۇراما كومانداسىنىڭ مۇشەلەرى ءۇش سالماق دارەجەسى بويىنشا كۇش سىناستى, دەپ حابارلايدى Egemen.kz
60 كيلو سالماقتا قايرات الپىسباي مەن ەركىنبەك بايتورەەۆ تۇساۋكەسەر كەزدەسۋلەرىندە ۇتىلدى. الايدا قايراتتىڭ قارسىلاسى – ءازىربايجاننىڭ اتاقتى كاراتەشىسى فەردوسي فايزاليەۆتىڭ اقتىق سىنعا دەيىن القىنباي جەتكەنىنىڭ ارقاسىندا ءبىزدىڭ جىگىت جۇبانىش باسەكەلەرىنە قاتىسۋ مۇمكىندىگىن ساقتاپ قالدى.
بۇل جولى قانداسىمىز ءوزىن جاقسى قىرىنان كورسەتتى. تۇركيا مەن البانيانىڭ وكىلدەرىنەن باسىپ تۇسكەن الپىسباي قولا مەدال ءۇشىن تارتىتا ماكەدونيالىق ەميل پاۆلوۆپەن ايقاسادى.