نۇر-سۇلتاننىڭ «بارىسى» ءۇشىن قۇرلىقتىق حوككەي ليگاسىنداعى (قحل) ماۋسىم اياقتالدى. گاگارين كۋبوگى جولىنداعى جارىستىڭ 1/8 فينالىنىڭ التىنشى كەزدەسۋىندە دە ولار «مەتاللۋرگتەن» ۇتىلدى, دەپ حابارلايدى ەgemen.kz
نۇر-سۇلتاندا وتكەن باسەكەدە جەرلەستەرىمىزگە تەك جەڭىس قاجەت ەدى. كوزدەگەن ماقساتتارىنا قول جەتكىزۋ ءۇشىن العاشقى ەكى كەزەڭدە ءبىزدىڭ جىگىتتەر بارىن سالدى. 26-مينۋتتا سەمەن كوشەلەۆ ەسەپ اشسا, 33 جانە 37 مينۋتتاردا لينۋس ۆيدەلل مەن دەننيس راسمۋسسەن قاتارىنان ەكى مارتە نىسانانى ءدال كوزدەپ, ايدىن يەلەرىن العا شىعاردى. ۇزىلىسكە دەيىن نيكيتا ميحايليس تارازى باسىن تەڭەستىردى.
وكىنىشكە قاراي, ءۇشىنشى كەزەڭدە «مەتاللۋرگتىڭ» باسىمدىعى انىق بايقالدى. ولاردىڭ ءبىزدىڭ قاقپامىزعا ءۇش شايبا سالسا, ەلوردالىق ويىنشىلار ءبىر عانا گولمەن جاۋاپ قايىردى. ەسەپ – 3:5. جالپى سەرياداعى ەسەپ – 4:2. وسىلايشا, جارىس پلەي-وففتىڭ العاشقى كەزەڭىندە جارىستى اياقتادى.