14 ناۋرىزدا كاتاردىڭ باس شاھارى – دوحادا ۇستەل تەننيسىنەن وليمپيا ويىندارىنىڭ ىرىكتەۋ ءتۋرنيرى باستالادى. بۇل جارىستا ەرلەر اراسىندا 78 جانە ايەلدەر سايىسىندا 63 ويىنشى باق سىنايدى, دەپ حابارلايدى Egemen.kz
جارىس ەكى كەزەڭنەن تۇرادى. سونىڭ قورىتىندىسى بويىنشا ەرلەر باسەكەسىندە الدىڭعى لەكتەن كورىنگەن ءتورت جانە ايەلدەر سايىسىندا دارالانعان بەس تەننيسشى توكيو وليمپياداسىندا ونەر كورسەتۋ قۇرمەتىنە يە بولادى. بىردەن ايتا كەتەيىك, دوحاداعى دوداعا قىتاي, جاپونيا, وڭتۇستىك كورەيا جانە گەرمانيا سەكىلدى ازۋلى كوماندالار قاتىسپايدى. ويتكەنى, ولار العا قويعان ماقساتتارىنا الدەقاشان قول جەتكىزگەن.
ىرىكتەۋ تۋرنيرىندە قازاقستاننىڭ تۋى استىندا كيريلل گەراسيمەنكو, ايدوس كەنجەعۇلوۆ, اناستاسيا لاۆروۆا, زاۋرەش اقشەۆا سىندى سپورتشىلار ونەر كورسەتەدى.