يۋليا پۋتينتسەۆا ەكىنشى كەزەڭدە ۇتىلدى

جۇلدە قورى 535 530 اقش دوللارىن قۇراعان جارىستىڭ تۇساۋكەسەر كەزدەسۋىندە جەرلەسىمىز WTA تىزىمىندە 53-ورىندا تۇرعان گەرمانيالىق لاۋرا زيگەمۋندتى 6:4, 6:4 ەسەبىمەن ۇتقان ەدى. ەكىنشى كەزەڭدە ونىڭ جولى اۋستراليالىق  ستورم سەندەرسپەن قيىستى. الەمدىك رەيتينگتە وزىنەن الدەقايدا تومەن تۇرعان قارسىلاسىنا يۋليا پۋتينتسەۆا ەسە جىبەردى. ەسەپ – 4:6, 7:5, 1:6. وسىلايشا, قازاقستاندىق تەننيسىشى ءۇشىن جاسىل قۇرلىقتاعى جارىس اياقتالدى.