ەرتەڭ گەرمانيانىڭ وبەرستدورف قالاسىندا شاڭعىدان الەم چەمپيوناتىنىڭ جالاۋى جەلبىرەيدى. بۇل جارىستا قازاقستاننىڭ نامىسىن 12 سپورتشى قورعايدى, دەپ حابارلايدى Egemen.kz.
ستاتيستيكالىق مالىمەتتەرگە جۇگىنسەك, سپورتتىڭ بۇل تۇرىندە نورۆەگيانىڭ الدىنا تۇسەتىن ەشكىمنىڭ جوقتىعىن اڭعارۋ قيىن ەمەس. ولاردىڭ كوماندالىق ەسەپتە كوش باستاپ كەلە جاتقانىنا 20 جىلدان اسا ۋاقىت بولدى. تارقاتىپ ايتساق, 1999-2019 جىلدار ارالىعىندا رامزاۋ, لاحتي (ەكى رەت), ۆال-دي-فەممە (ەكى رەت), وبەرستدورف, ساپپورو, ليبەرەتس, وسلو, فالۋن جانە زەفەلدتە ۇيىمداستىرىلعان جارىستاردا سكانديناۆيا تۇبەگىنىڭ تۇلەكتەرى توپ جاردى. وسىدان ەكى جىل بۇرىن اۋستريادا وتكەن ءدۇبىرلى دودادا دا ساراپقا سالىنعان 22 باس جۇلدەنىڭ 13-ءىن نورۆەگيالىقتار ولجالاعان بولاتىن. التى التىنى بار گەرمانيا قۇراماسى ەكىنشى ورىندى يەلەنسە, قوس شاڭعىشىسى تەڭدەسسىز دەپ تانىلعان شۆەتسيا كومانداسى ءۇشىنشى ساتىعا تابان تىرەدى.
ال ەرتەڭ باستالاتىن الەم چەمپيوناتىدا قازاقستاننىڭ نامىسىن ەۆگەني ۆەليچكو, ولجاس كليمين, كونستانتين بورتسوۆ, نايل باشماكوۆ, ۆيتالي پۋحكالو, اننا شەۆچەنكو, داريا رياجكو, ولگا ماندريكا, يرينا بىكوۆا, ۆالەريا تيۋلەنەۆا جانە ايشا راقىشەۆا سىندى سپورتشىلار قورعايدى.