كەشە نيدەرلاندتىڭ روتتەردام قالاسىندا وسى جازدا توكيودا الاۋى تۇتانۋى ءتيىس وليمپيا ويىندارى باعدارلاماسىنداعى ۆاتەرپولشىلار ءتۋرنيرىنىڭ جەرەبەسى تارتىلدى.
سوعان سايكەس قازاقستاننىڭ ەرلەر قۇراماسى «ۆ» توبىندا ونەر كورسەتەتىن بولدى. قارسىلاستارىمىز – اۋستراليا, حورۆاتيا, سەربيا, يسپانيا جانە چەرنوگوريانىڭ سۋ دوبى شەبەرلەرى.
وزدەرىڭىز بايقاساڭىزدار, بۇل كوماندالار اراسىندا وسالى جوق. بارلىعى دا اسا ءىرى حالىقارالىق جارىستاردا جەڭىس تۇعىرىنا كوتەرىلىپ جۇرگەن مىقتى ءارى تاجىريبەلى قۇرامالار. «ا» توبىندا وڭتۇستىك افريكا رەسپۋبليكاسى, اقش, ماجارستان, گرەكيا, جاپونيا جانە يتاليا ۆاتەرپولشىلارى ءوزارا كۇش سىناسادى.
ال ايەلدەر سايىسىنا قاتىساتىن كوماندالار مىناداي توپقا ءبولىندى: «ا» توبى – اۋستراليا, وڭتۇستىك افريكا رەسپۋبليكاسى, نيدەرلاند, يسپانيا جانە كانادا. «ۆ» توبى – رەسەي, قىتاي, ماجارستان, اقش جانە جاپونيا.