ارالاس جەكپە-جەكتەن الەمدەگى ەڭ بەلدى پروموۋشەندەردىڭ ءبىرى – رەسەيدىڭ اسا ۇيىمى (Absolute Championship Akhmat) ءوزىنىڭ جاڭارتىلعان رەيتينگىن جاريا ەتتى.
«توپ-10» سپورتشىنىڭ قاتارىندا قازاقستاننىڭ ءۇش بىردەي ورەنى بار. سولاردىڭ اراسىندا ەڭ ۇزدىك كورسەتكىش ارتەم رەزنيكوۆقا تيەسىلى. جەڭىل سالماقتىلاردىڭ رەيتينگىندە ول ءبىرىنشى ورىندى يەلەنۋدە. ەستەرىڭىزگە سالا كەتەيىك, شىعىس قازاقستان وبلىسىنىڭ تۋماسى وسى كۇنگە دەيىن 28 مارتە ايقاس الاڭىنا شىعىپ, 22 باسەكەنى ءوز پايداسىنا شەشتى.
17 كەزدەسۋدى مەرزىمنەن بۇرىن اياقتادى. سوڭعى رەت ارتەم وسىدان ءتورت جىل بۇرىن جەڭىلىپ ەدى. سودان كەيىن قاتارىنان سەگىز جەكپە-جەكتى ءوز پايداسىنا شەشىپ, كورەرمەندەردىڭ قوشەمەتىنە بولەندى. ال ءدال سول سالماق دارەجەسىندە چەمپيوندىق اتاق چەشەنستاننىڭ تۋماسى ابدۋل-ءازيز ابدۋلۆاحابوۆقا تيەسىلى.
قازاقستاننىڭ وزگە وكىلدەرى جايىندا ايتار بولساق, ەۆگەني ەگەمبەرديەۆ ءۇشىنشى ورىندى يەلەنسە, اسىلجان باقىتجان ۇلى بەسىنشى ساتىعا تابان تىرەدى. ولاردىڭ ەكەۋى دە جارتىلاي اۋىر سالماقتا كۇش سىناسادى.