ارالاس جەكپە-جەكتەن الەمدەگى ەڭ بەلدى پروموۋشەندەردىڭ ءبىرى – رەسەيدىڭ اسا ۇيىمى (Absolute Championship Akhmat) ءوزىنىڭ جاڭارتىلعان رەيتينگىن جاريا ەتتى.
«توپ-10» سپورتشىنىڭ قاتارىندا قازاقستاننىڭ ءۇش بىردەي ورەنى بار. سولاردىڭ اراسىندا ەڭ ۇزدىك كورسەتكىش ارتەم رەزنيكوۆقا تيەسىلى. جەڭىل سالماقتىلاردىڭ رەيتينگىندە ول ءبىرىنشى ورىندى يەلەنۋدە. ەستەرىڭىزگە سالا كەتەيىك, شىعىس قازاقستان وبلىسىنىڭ تۋماسى وسى كۇنگە دەيىن 28 مارتە ايقاس الاڭىنا شىعىپ, 22 باسەكەنى ءوز پايداسىنا شەشتى. 17 كەزدەسۋدى مەرزىمنەن بۇرىن اياقتادى. سوڭعى رەت ارتەم وسىدان ءتورت جىل بۇرىن جەڭىلدى ەدى. سودان كەيىن قاتارىنان سەگىز جەكپە-جەكتى ءوز پايداسىنا شەشىپ, كورەرمەندەردىڭ قوشەمەتىنە بولەندى. ال ءدال سول سالماق دارەجەسىندە چەمپيوندىق اتاق چەشەنستاننىڭ تۋماسى ابدۋل-ازيز ابدۋلۆاحابوۆقا تيەسىلى.
قازاقستاننىڭ وزگە وكىلدەرى جايىندا ايتار بولساق, تارازدىق ەۆگەني ەگەمبەرديەۆ ءۇشىنشى جانە الماتىلىق اسىلجان باقىتجان ۇلى بەسىنشى ورىندى يەلەنۋدە. ولاردىڭ ەكەۋى دە جارتىلاي اۋىر سالماقتا كۇش سىناسۋدا.