سولتۇستىك قازاقستان وبلىسىنىڭ پەتروپاۆل قالاسىنداعى ەكونوميكالىق قىلمىسقا جانە سىبايلاس جەمقورلىققا قارىس كۇرەس دەپارتامەنتى باسشىسى ءبىرىنشى ورىنباسارى قىزمەتىن اتقارعان جاندوس احمەتوۆتى بەلگىسىز بىرەۋ اتىپ كەتتى. بۇل تۋرالى «استانا» تەلەارناسى حابارلادى.
وقيعا كەشە كەشكى 7-لەر شاماسىندا بولعان. جۇمىستان ۇيىنە بارا جاتقان ج. احمەتوۆكە بەلگىسىز بىرەۋ «ماكاروۆ» تاپانشاسىنان وق اتقان. مارقۇمنىڭ قاسىندا بولعان 12 جاسار بالاسى امان قالىپتى. قازىر وقيعا بولعان ورىن قورشاۋعا الىنىپ, ساراپتاما جۇرگىزىلۋدە. ءتارتىپ ساقشىلارى قالاداعى بارلىق كولىكتەردى تەكسەرۋ ۇستىندە. ازىرگە كۇدىكتى قولعا تۇسكەن جوق.
باقىتبەك كەنەش ۇلى.
دەرەككوز: «استانا» تەلەارناسى
فوتو: ريا نوۆوستي