26 جاستاعى قازاقستاندىق تەننيسشى يۋليا پۋتينتسەۆا كەشە مەلبۋرندە ءوتىپ جاتقان «ۇلكەن دۋىلعا» ساناتىنداعى جارىستىڭ ءبىرى – اۋستراليانىڭ اشىق بىرىنشىلىگىنىڭ ءۇشىنشى اينالىمىنا شىقتى.
تۇساۋكەسەر كەزدەسۋىندە كەزىندە اقش-تىڭ اشىق بىرىنشىلىگىن ۇتىپ, رولان گارروستىڭ فينالىندا ويناعان امەريكالىق سلوان ستيۆەنسكە سان سوقتىرعان جەرلەسىمىز ەكىنشى كەزەڭدە قازىرگى كەزدە WTA رەيتينگىندە 67 ورىندا تۇرعان اليسون ۆان ەيتۆانكپەن شەبەرلىك بايقاستى. 26 جاستاعى بەلگيانىڭ وكىلىنىڭ ەڭ ۇزدىك ناتيجەسى – 2015 جىلى رولان گارروستىڭ شيرەك فينالىنا دەيىن جەتۋى. وسى كۇنگە دەيىن قوس تەننيسشى ءبىر-بىرىمەن ءۇش مارتە كەزدەسىپ, ۇشەۋىندە دە پۋتينتسەۆا جەڭىسكە جەتتى. بۇل جولى دا وتانداسىمىز ءوزىنىڭ مىقتىلىعىن مويىنداتتى. 1 ساعات 56 مينۋتقا سوزىلعان بۇل باسەكەدە 6:4, 1:6, 6:2 ەسەبى تىركەلدى. ەندى يۋليا امەريكالىق كوري گاۋفف پەن ۋكراينالىق ەلينا سۆيتولينا اراسىنداعى ماتچتىڭ جەڭىمپازىمەن كۇش سىناسادى.
ال بۇگىن زارينا دياس كورتقا شىعادى. ونىڭ ءۇشىنشى كەزەڭدەگى قارسىلاسى – الەمنىڭ 32 راكەتكاسى گاربينە مۋگۋرۋسا. يسپانيا تەننيسشىسى كەزىندە WTA رەيتينگىندە كوش باستاپ, ۋيمبلدون مەن رولان گارروستا توپ جارعان.