اتىراۋ وبلىسىنىڭ قۇمانعازى اۋدانىندا «كاسپي-بالىق» وندىرىستىك كووپەراتيۆى جاڭا تسەحتى ىسكە قوستى. تسەحتا تاۋلىگىنە 30 توننا بالىق وڭدەلەدى, دەپ حابارلايدى Egemen.kz.
قۇرمانعازى اۋدانىنىڭ اكىمى قايرات نۇرتاەۆتىڭ مالىمەتىنشە, بىلتىرعى بالىق اۋلاۋ ماۋسىمىندا 350 توننا بالىق ەۋروستاندارت تالابىنا سايكەس وڭدەلىپتى. اۋداندا بالىق شارۋاشىلىعىمەن اينالىساتىن قۇرىلىمدار 3361 توننا بالىق ءونىمىن رەسەي فەدەراتسياسىنا, گرۋزيا مەن ۋكرايناعا ەكسپورتقا جىبەرىپتى.
«وسى كەزگە دەيىن اۋلانعان بالىقتاردىڭ باسىم بولىگى شەت ەلدەرگە مۇزداتىلعان, سالقىنداتىلعان, مۇزداتىلعان, كەپتىرىلگەن كۇيىندە وڭدەلىپ, ەۋروستاندارتقا ساي جىبەرىلەتىن ەدى. «كاسپي-بالىق» وندىرىستىك كووپەراتيۆى بالىق ءونىمىن وڭدەۋ, توعان شارۋاشىلىعىن دامىتۋ ءۇشىن رەسەي فەدەراتسياسىنان ينۆەستور تارتتى. وندىرىستىك كووپەراتيۆ ينۆەستورمەن بىرلەسىپ, بىرلىك اۋىلىنان بالىق وندەۋ تسەحىن اشتى. جوبانىڭ قۇنى – 200 ملن تەڭگە. تسەحتا تاۋلىگىنە 30 توننا بالىق وندەلەدى. وعان 50 ادام تۇراقتى جۇمىسقا تارتىلىپ وتىر» دەدى قايرات نۇرتاەۆ.