قاراجاتتى بيۋدجەت تاپشىلىعىن جابۋ ءۇشىن شەتەلدەن قارىزعا الۋ جوسپارلانىپ وتىر. قارجى مينيسترلىگىنىڭ سايتىندا بۇل جوباعا قاتىستى قر ۇكىمەتىنىڭ قاۋلىسى جاريالانعان, دەپ حابارلايدى Egemen.kz
«سىرتقى نارىقتا نەسيەلىك كاپيتالدى ورنالاستىرۋعا بايلانىستى مەملەكەتتىك ەميسسيالىق باعالى قاعازداردى شىعارۋ تۋرالى» جوبادا كەم دەگەندە 500 ميلليون دوللارعا بالامالى مەملەكەتتىك ەميسسيالىق باعالى قاعازدار شىعارۋ جوسپارلانىپ وتىر.
قارجى مينيسترلىگىنىڭ ايتۋىنشا, قر ۇكىمەتىنىڭ قارىز الۋى رەسپۋبليكالىق بيۋدجەتتىڭ تاپشىلىعىن قارجىلاندىرۋ, سونداي-اق قارىز قۇرالدارى بويىنشا ىشكى نارىقتى دامىتۋعا ىقپال ەتۋ ماقساتىندا جۇزەگە اسىرىلادى.
ايتا كەتەيىك, 2020 جىلدىڭ جەلتوقسانىندا قازاقستان كوروناۆيرۋس پاندەمياسىنىڭ سالدارىمەن كۇرەسۋگە جانە ەكونوميكانى قالپىنا كەلتىرۋگە باعىتتالعان ازيا دامۋ بانكى مەن ازيا ينفراقۇرىلىمدىق ينۆەستيتسيالار بانكىنەن 1,5 ميلليارد ەۋرو كولەمىندە نەسيەلىك كەلىسىمگە قول قويعان ەدى.
ايدا ورالبەك