تۇركىستان قالاسىندا بيىل بىرنەشە جاڭا ساياباق پايدالانۋعا بەرىلەدى. ولاردىڭ قاتارىندا ب.ساتتارحانوۆ داڭعىلىنداعى «جەلىلىك ساياباق» پەن «ورتالىق ساياباق» بار. سونىمەن قاتار قالاداعى ياسساۋي كوشەسىنىڭ بويى دا تولىق كوگالداندىرىپ, جەلىلىك ساياباققا اينالماق. «ازىرەت سۇلتان قورىق مۇراجايىنىڭ اۋماعىن اباتتاندىرۋ دا اياقتالۋعا جاقىن. شاھارداعى قۇرىلىس الاڭدارىن ارالاعان وبلىس اكىمى ومىرزاق شوكەەۆ جاۋاپتى سالا باسشىلارىنا بىرقاتار تاپسىرمالار بەردى. قۇرىلىستى شيراتۋدى تاپسىردى, دەپ حابارلايدى Egemen.kz وبلىس اكىمىنىڭ ءباسپاسوز قىزمەتىنە سىلتەمە جاساپ.
تۇركىستان قالاسىندا 30-عا جۋىق نىساننىڭ اۋماعىندا اباتتاندىرۋ جۇمىستارى جۇرگىزىلىپ, حالىق يگىلىگىنە بەرىلگەن. كوپقاباتتى ۇيلەر الدىنا بالالار ويىن الاڭشالارى سالىنىپ, اباتتاندىرىلۋدا. اۋلالار مەن گۇلزارلار جانە ويىن الاڭدارى سالىنىپ, 15 نىسانعا 300-دەن استام ادام جۇمىسقا تارتىلدى. بۇعان قوسا, 26 كوشەگە كوگالداندىرۋ جۇمىستارى جۇرگىزىلىپ, 8 مىڭعا جۋىق ءتۇپ اعاش وتىرعىزىلدى. سونداي-اق, اشىق الاڭداردى كوگالداندىرۋ بويىنشا 100 گەكتارعا جۋىق «جاسىل بەلدەۋ» كوگالداندىرۋ ايماعىنا 40 مىڭ كوشەت ەگىلدى. «حالىقتىق جوبا» نەگىزىندە بەلگىلەنگەن نىساندار جانە قوعامدىق ورىندار كوگالداندىرىلىپ, پورت الاڭدارى, سۋبۇرقاقتار, شاتىرلار, ورىندىقتار, جارىقشام مەن قوقىس جاشىكتەرى ورناتىلۋدا. اتالمىش جۇمىستارعا تەك جەرگىلىكتى تۇرعىندار جۇمىسپەن قامتىلدى.
شىعىس ۇلگىسىندە سالىنىپ جاتقان «Keruen Sarai» تۇرعىن ءۇي كەشەنىندە بولعان وبلىس اكىمى قۇرىلىس بارىسىمەن تانىستى. ياساۋي كەسەنەسىنىڭ جانىنان بوي كوتەرگەن كەشەن توعىز ەكى جانە ءۇش قاباتتى بلوكتاردان تۇرادى. رۋحاني-مادەني ورتالىقتا ورنالاسقان «Keruen Sarai» تۇرعىن ءۇي كەشەنىندە جالپى اۋماعى 8 مىڭ شارشى مەتردەن اساتىن 125 باسپانا بوي كوتەرەدى. ونىڭ ىشىندە ەكى قاباتتى تاۋنحاۋستار, 1, 2 جانە 3 بولمەلى پاتەرلەر بار. بۇگىننەن باستاپ مۇندا باسپانا ساتىپ الۋشىلار ءۇشىن اشىلعان كەڭسە ءوز جۇمىسىن باستادى.
ومىرزاق ەستاي ۇلى جالپى اۋماعى 38 گەكتاردى قۇرايتىن «تۇڭعىش پرەزيدەنت ساياباعى» دەمالىس ايماعىندا اتقارىلىپ جاتقان جۇمىستاردى باقىلاپ كوردى. تۇركىستان قالالىق سازدى-دراما تەاترى جانە كومەكشى مەكتەپ-ينتەرناتى جاتاقحاناسىندا ءجۇرىپ جاتقان جۇمىستارمەن تانىستى. وبلىستىق عىلىمي - امبەباپ كىتاپحانانىڭ قۇرىلىس الاڭىندا بولعان ءوڭىر باسشىسى عيماراتتىڭ ىشكى قۇرىلىسىنا بىرقاتار وزگەرىستەر ەنگىزىپ, كەي بولمەلەرىن كەڭەيتىپ, قابىرعالارىن اينەكتەن ورناتۋدى تاپسىردى.