شىمكەنت قالاسىنداعى «سيتۋاتسيالىق iKomek 109» ورتالىعى جەتەكشىسى ازات امىرتاەۆ 2020 جىلى اتقارىلعان جۇمىستارى مەن الداعى جوسپارلارى جونىندە قالا اكىمى مۇرات ايتەنوۆكە باياندادى. ەسەپتى جيىنعا قالاداعى بىرقاتار باسقارما باسشىسى مەن اۋدان اكىمى قاتىستى, دەپ حابارلايدى Egemen.kz.
ورتالىق اشىلعالى بەرى تۇرعىنداردان 66 006 ءوتىنىش كەلىپ تۇسكەن. ونىڭ ىشىندە 64 578 وتىنىشكە تيىسىنشە جاۋاپ بەرىلسە, 1 428 ارىز-شاعىم قارالۋ ۇستىندە.
ا. امىرتاەۆتىڭ سوزىنشە تۇرعىنداردان كەلگەن ۇسىنىس پەن وتىنىشتەردىڭ 24,7% قوعامدىق كولىك, 10,33% جول ينفراقۇرىلىمى, 8,57% جۇمىسپەن قامتۋ جانە الەۋمەتتىك قورعاۋ ماسەلەلەرى, 8,05% قاتتى تۇرمىستىق قالدىقتار, 4,7% دەنساۋلىق ساقتاۋ ماسەلەلەرى جانە 4,1% كوشە جارىعى بويىنشا تىركەلگەن.
قىزمەت كورسەتۋ اياسىن كەڭەيتۋ ماقساتىندا وتكەن جىلى ورتالىققا قوعامدىق كولىككە قاتىستى كەز-كەلگەن سۇراقتار بويىنشا حابارلاسۋ مۇمكىندىگى قوسىلعان بولاتىن. وسى كۇنگە دەيىن قوعامدىق كولىك قوزعالىسىن باقىلاۋ بويىنشا – 6 845, «تولەم» جۇيەسىنە قاتىستى – 8 923 قوڭىراۋ كەلىپ تۇسكەن.
قالا اكىمى مۇرات دۇيسەنبەك ۇلى ورتىلىق جۇمىسىنا وڭ باعاسىن بەرىپ, قابىلدانعان وتىنىشتەردىڭ ۋاقىتىلى ءارى وڭتايلى شەشىلۋىن تاپسىردى.