«شىعىس - ادالدىق الاڭى» جوبالىق كەڭسەسى شىعىس قازاقستان وبلىسى اۋماعىنداعى اۋرۋحانالار مەن ەمحانالاردا ءدارى-دارمەكتەردىڭ جەتكىلىكتى بولۋىن انىقتاۋ ءۇشىن مونيتورينگتىك توپتىڭ جۇمىسىن كۇشەيتتى, دەپ حابارلايدى Egemen.kz.
وسى ورايدا «شىعىس – ادالدىق الاڭى» جوبالىق كەڭسەسىنىڭ جەتەكشىسى «Nur Otan» پارتياسى جانىنداعى سىبايلاس جەمقورلىققا قارسى قوعامدىق كەڭەسپەن بىرلەسىپ وسكەمەن قالاسىندا ورنالاسقان انا مەن بالا ورتالىعىندا كوروناۆيرۋستى ەمدەۋ ءۇشىن قولدانىلاتىن ءدارى قورىنىڭ جەتكىلىكتى بولۋىن قاداعالاۋ ماقساتىندا مونيتورينگ جۇرگىزدى.
سونداي-اق تۇرعىنداردان جەلى ارقىلى كەلىپ تۇسكەن ءوتىنىش نەگىزىندە انا مەن بالا ورتالىعىنىڭ پەرزەنتحاناسىندا جۇكتى ايەلدەرگە قىزمەت كورسەتۋ ءبولىمىنىڭ جۇمىس ساپاسىنا قوعامدىق باقىلاۋ جۇرگىزىلىپ, جوبالىق كەڭسە جەتەكشىسى جاس انالارمەن كەزدەسۋ بارىسىندا, ولاردىڭ قال-جاعدايلارىن ءبىلدى.