«بۇۇ-نىڭ ليۆانداعى ۋاقىتشا كۇشتەرىندە» بىتىمگەرشىلىك ميسسياسىن اتقارىپ جۇرگەن قازاقستان قارۋلى كۇشتەرىنىڭ اسكەري قىزمەتشىلەرى ءتۇرلى سىن ساتتەردە جەدەل دەن قويۋ توپتارىنىڭ نەگىزگى ءىس-قيمىلىن پىسىقتاۋ بويىنشا «RITEX» وقۋ-جاتتىعۋىنا قاتىستى, دەپ حابارلايدى Egemen.kz.
بولىمشەلەردى جالپى باسقارۋدى ءتورتىنشى قۇراما بىتىمگەرشىلىك روتاسىنىڭ كومانديرى مايور جانات ءبىربالانوۆ جۇزەگە اسىردى. باسقارۋ جانە ۇيلەستىرۋ روتا شتابىنىڭ بايلانىس قۇرالدارى ارقىلى جۇرگىزىلدى.
ء«بىز التى اي بويى بۇۇ-نىڭ باس شتابى ليۆاندا دا, ءۇندىستان تاراپى وتكىزگەن بارلىق جاتتىعۋلار مەن وقۋ-جاتتىعۋلارعا ۇدايى قاتىستىق. قازاقستاندىق بىتىمگەرلەر جوعارى دايارلىق دەڭگەيى مەن كاسىبي شەبەرلىكتەرىن كورسەتتى. بۇل جونىندە «ليۆانداعى بۇۇ-نىڭ ۋاقىتشا كۇشتەرى» باس شتابىنىڭ باسشىلىعى اتاپ ءوتتى. اتالعان جاتتىعۋلار قازاقستاندىق اسكەري قىزمەتشىلەردىڭ جاۋىنگەرلىك ازىرلىگى ۇدايى جوعارى دەڭگەيدە ەكەنىن تاعى دا كورسەتتى», دەدى جانات ءبىربالانوۆ.
بىتىمگەرلەر تاڭ سارىدەن وقۋ دابىلىمەن كوتەرىلدى. وقۋ-جاتتىعۋدىڭ ستسەناريى بويىنشا قازاقستاندىق-ءۇندىستان بازاسىن الىس ەمەس جەردە قولدان جاسالعان جارىلعىش زات تابىلدى. كەزەكشى اۋىسىم كەزەكشىلىك بارىسىن ۇيىمداستىرىپ, بولعان جاعدايدى روتا شتابىنا حابارلادى. وقيعا ورنىنا جەتكەن فرانتسۋز اسكەري قىزمەتشىلەرى مينالاردان تازارتۋعا كىرىستى. بۇل وقيعا تۋرالى حالىقارالىق اسكەري پوليتسياعا جانە ليۆان اسكەرىنە باياندادى. ناتيجەسىندە بەيبىت تۇرعىنداردى ىقتيمال قاۋىپتەن قورعاۋ ءۇشىن قورشاۋ ۇيىمداستىرىلدى, جولدار جابىلدى.
جەدەل دەن قويۋ توپتارى ءتۇرلى دابىلداردى العان كەزەڭدى, كەزەكشى بولىمشەلەردىڭ بازاعا جاقىن جەردە قولدان جاسالعان جارىلعىش زاتتى انىقتاعان ءساتىن, سونداي-اق زارداپ شەككەندەرگە العاشقى مەديتسينالىق كومەك كورسەتۋ ءتارتىبىن پىسىقتادى.
قازاقستاندىق اسكەري قىزمەتشىلەر ءۇندىستان اسكەري قىزمەتشىلەرىمەن بىرلەسىپ ءىس-قيمىلداردى پىسىقتادى. ميسسياعا قاتىسقان ۋاقىت ارالىعىندا ولار ءار قيلى مىندەتتەردى ورىنداۋ ماسەلەلەرىندە ءوزارا ءىس-قيمىلدى رەتتەدى.
ميسسيا شتابىنىڭ وكىلدەرى مەن بايلانىستىرۋشىلار قازاقستاندىق بىتىمگەرشىلىك كونتينگەنتىنىڭ سەنىمدى, باتىل جانە كاسىبي ءىس-قيمىلدارىن اتاپ ءوتتى.
قازاقستاندىق بولىمشەلەردىڭ شىنايى جاعدايداعى ءىس-قيمىلعا دايارلىعىن ارتتىرۋدا اپتالىق جاتتىعۋلاردىڭ, اي سايىن وتەتىن «Blue porcupine» تاكتيكالىق وقۋ-جاتتىعۋلارىنىڭ جانە قولدان جاسالعان جارىلعىش زاتتاردى انىقتاۋداعى ءىس-قيمىل الگوريتمى جونىندەگى ساباقتاردىڭ ماڭىزىن اتاپ وتكەن ءجون.