قازاقستان ەلشىلىگى ونلاين-پلاتفورمادا حالال ونىمدەرىمەن ساۋدا جاساۋ سالاسىندا قر ساۋدا جانە ينتەگراتسيا مينيسترلىگى مەن مالايزيالىق «Aladdin» كومپانياسىنىڭ قاتىسۋىمەن بەينەكونفەرەنتسيا ۇيىمداستىردى, دەپ حابارلايدى Egemen.kz.
ءىس-شاراعا ەلشى بولات يمانباەۆ, ساۋدا جانە ينتەگراتسيا ۆيتسە-ءمينيسترى اسەل جاناسوۆا, «QazTrade» ساۋدا ساياساتىن دامىتۋ ورتالىعى» اق ماركەتينگ جانە ەلەكتروندىق كوممەرتسيا دەپارتامەنتىنىڭ ديرەكتورى وجەت شەگىرباەۆ, «Aladdin» كومپانياسىنىڭ نەگىزىن قالاۋشى جانە باسشىسى دەسموند تو جانە ت.ب. قاتىستى.
كەزدەسۋ بارىسىندا تاراپتار ەلەكتروندى ساۋدا, «Aladdin» پلاتفورماسىنداعى حالال ونىمدەرىنىڭ ساۋداسى, قازاقستاندىق كومپانيالاردىڭ وڭتۇستىك-شىعىس ازيا (وشا) نارىعىنا جانە مالايزيالىق كومپانيالاردىڭ ورتالىق ازيا جانە ەۋرازيالىق ەكونوميكالىق وداق نارىقتارىنا شىعۋ سالاسىنداعى ءوزارا ارەكەتتەسۋ مۇمكىندىكتەرىن تالقىلادى. كومپانيا باسشىلىعى ەلەكتروندى ساۋدا جانە حالال يندۋسترياسى سالاسىنداعى وشا نارىعى تۋرالى, «Aladdin»-ءنىڭ جۇمىسى, پلاتفورماداعى ساۋدا-ساتتىق قاعيداتتارى جانە تىركەلۋ تۋرالى تولىق اقپارات بەردى.
بەينەكونفەرەنتسيا ناتيجەسىندە تاراپتار اراسىندا ءوزارا ءتيىمدى ىنتىماقتاستىقتى دامىتۋ, اتاپ ايتقاندا, ءوز تاۋارلارىن وشا نارىقتارىنا شىعارۋ ءۇشىن قازاقستاندىق كومپانيالاردىڭ ءتىزىمىن پىسىقتاۋ, «Aladdin» كومپانياسىن «استانا» حالىقارالىق قارجى ورتالىعىنىڭ نەگىزىندە تىركەۋ تۋرالى جانە قر ساۋدا جانە ينتەگراتسيا مينيسترلىگىمەن ىنتىماقتاستىق تۋرالى مەموراندۋمعا قول قويۋ بويىنشا كەلىسىمدەرگە قول جەتكىزىلدى.