قازاقستاندىق تەننيسشىلەر الەكساندر بۋبليك پەن يۋليا پۋتينتسەۆا ءۇشىن اۋستراليانىڭ مەلبۋرن قالاسىندا ءوتىپ جاتقان حالىقارالىق تۋرنير ءساتتى باستالدى.
الەكساندر بۋبليك تۇساۋكەسەر كەزدەسۋىندە كورت قوجايىنى كريستوفەر و'كوننەلمەن كۇش سىناسىپ, اسا شيەلەنىستى وتكەن باسەكەدە 7:6, 6:7, 6:4 ەسەبىمەن جەڭىسكە جەتتى. ەندى ول يتاليالىق ستەفانو تراۆاليامەن شەبەرلىك بايقاسادى.
يۋليا پۋتينتسەۆا العاشقى اينالىمدا يسپانيالىق حەورحينا گارسيا پەرەسكە قارسى وينادى. بۇل تارتىس 7:6, 6:4 ەسەبىمەن جەرلەسىمىزدىڭ پايداسىنا شەشىلدى. دەسەك تە پۋتينتسەۆانىڭ كەلەسى قارسىلاسى تىم ازۋلى. كەزىندە الەمدىك رەيتينگتە كوش باستاعان ۆيكتوريا ازارەنكو اۋستراليانىڭ اشىق بىرىنشىلىگىن ەكى رەت ۇتىپ, ءۇش مارتە US open ءتۋرنيرىنىڭ فينالىندا ويناعان. ۋيمبلدون مەن رولان گارروستا ەكى رەت جارتىلاي فينالعا دەيىن جەتتى. بەلارۋس ەلىنىڭ وكىلى قازىرگى كەزدە WTA رەيتينگىندە 13 ورىندى يەلەنۋدە.
ال بۇگىن ەلەنا رىباكينا كورتتا چەحيالىق باربورا كرەيچيكوۆامەن ايقاسادى.