بۇل كۇندەرى اۋستراليانىڭ مەلبۋرن قالاسىندا تەننيستەن اسا ءىرى حالىقارالىق تۋرنير ءوتىپ جاتىر.
وكىنىشكە قاراي, ميحايل كۋكۋشكين ءۇشىنشى كەزەڭگە شىعا المادى. تۇساۋكەسەر كەزدەسۋىندە ارگەنتينالىق حۋان-يگناسيو لوندەرودان باسىم تۇسكەن جەرلەسىمىز كەلەسى اينالىمدا ستەن ۆاۆرينكامەن كۇش سىناستى. 35 جاستاعى شۆەيتساريانىڭ وكىلى قازىرگى كەزدە اتر رەيتينگىندە 18 ورىندى يەلەنۋدە. كەزىندە ول اقش پەن اۋستراليانىڭ اشىق بىرىنشىلىگىندە جانە رولان گارروستا توپ جارعان. اتر تۋرنيرلەرىندە 16 مارتە باس جۇلدەنى ولجالاعان. وسى تابىستارىنىڭ ارقاسىندا ۇزدىكتەر تىزىمىندە ءۇشىنشى ساتىعا دەيىن كوتەرىلدى. ارينە, قازاقستاندىق تەننيسشى ونداي تابىستارىمەن ماقتانا المايدى. ايتقانداي-اق, 1 ساعات 58 مينۋتكە سوزىلعان بۇل تارتىس 4:6, 6:3, 6:1 ەسەبىمەن ۆاۆرينكانىڭ پايداسىنا شەشىلدى.
سونداي-اق جاسىل قۇرلىقتا ءوتىپ جاتقان ءدۇبىرلى دودادا الەكساندر بۋبليك, ەلەنا رىباكينا جانە يۋليا پۋتينتسەۆا سىندى وتانداستارىمىز باق سىناۋدا.