2013 جىلعى 21 قازان استانا, ۇكىمەت ءۇيى
قازاقستان رەسپۋبليكاسى مينيسترلەرىنىڭ جانە ورتالىق مەملەكەتتىك ورگانداردىڭ وزگە دە باسشىلارىنىڭ نورماتيۆتىك قۇقىقتىق بۇيرىقتارىن, ورتالىق مەملەكەتتىك ورگانداردىڭ نورماتيۆتىك قۇقىقتىق قاۋلىلارىن, ورتالىق سايلاۋ كوميسسياسىنىڭ نورماتيۆتىك قاۋلىلارىن, ءماسليحاتتاردىڭ نورماتيۆتىك قۇقىقتىق شەشىمدەرىن, سونداي-اق اكىمدىكتەردىڭ نورماتيۆتىك قۇقىقتىق قاۋلىلارى مەن اكىمدەردىڭ نورماتيۆتىك قۇقىقتىق شەشىمدەرىن رەسمي جاريالاۋ جۇزەگە اسىرىلاتىن ينتەرنەت-رەسۋرستى ايقىنداۋ جانە قازاقستان رەسپۋبليكاسى ۇكىمەتىنىڭ كەيبىر شەشىمدەرىنە وزگەرىستەر ەنگىزۋ تۋرالى
2013 جىلعى 21 قازان استانا, ۇكىمەت ءۇيى
قازاقستان رەسپۋبليكاسى مينيسترلەرىنىڭ جانە ورتالىق مەملەكەتتىك ورگانداردىڭ وزگە دە باسشىلارىنىڭ نورماتيۆتىك قۇقىقتىق بۇيرىقتارىن, ورتالىق مەملەكەتتىك ورگانداردىڭ نورماتيۆتىك قۇقىقتىق قاۋلىلارىن, ورتالىق سايلاۋ كوميسسياسىنىڭ نورماتيۆتىك قاۋلىلارىن, ءماسليحاتتاردىڭ نورماتيۆتىك قۇقىقتىق شەشىمدەرىن, سونداي-اق اكىمدىكتەردىڭ نورماتيۆتىك قۇقىقتىق قاۋلىلارى مەن اكىمدەردىڭ نورماتيۆتىك قۇقىقتىق شەشىمدەرىن رەسمي جاريالاۋ جۇزەگە اسىرىلاتىن ينتەرنەت-رەسۋرستى ايقىنداۋ جانە قازاقستان رەسپۋبليكاسى ۇكىمەتىنىڭ كەيبىر شەشىمدەرىنە وزگەرىستەر ەنگىزۋ تۋرالى
قازاقستان رەسپۋبليكاسىنىڭ ۇكىمەتى قاۋلى ەتەدى:
1. قازاقستان رەسپۋبليكاسى مينيسترلەرىنىڭ جانە ورتالىق مەملەكەتتىك ورگانداردىڭ وزگە دە باسشىلارىنىڭ نورماتيۆتىك قۇقىقتىق بۇيرىقتارىن, ورتالىق مەملەكەتتىك ورگانداردىڭ نورماتيۆتىك قۇقىقتىق قاۋلىلارىن, ورتالىق سايلاۋ كوميسسياسىنىڭ نورماتيۆتىك قاۋلىلارىن, ءماسليحاتتاردىڭ نورماتيۆتىك قۇقىقتىق شەشىمدەرىن, سونداي-اق اكىمدىكتەردىڭ نورماتيۆتىك قۇقىقتىق قاۋلىلارى مەن اكىمدەردىڭ نورماتيۆتىك قۇقىقتىق شەشىمدەرىن رەسمي جاريالاۋ جۇزەگە اسىرىلاتىن ينتەرنەت-رەسۋرس رەتىندە «قازاقستان رەسپۋبليكاسى ادىلەت مينيسترلىگىنىڭ رەسپۋبليكالىق قۇقىقتىق اقپارات ورتالىعى» شارۋاشىلىق جۇرگىزۋ قۇقىعىنداعى رەسپۋبليكالىق مەملەكەتتىك كاسىپورنىنىڭ (بۇدان ءارى – رەسپۋبليكالىق قۇقىقتىق اقپارات ورتالىعى) «ادىلەت» اقپاراتتىق-قۇقىقتىق جۇيەسى ايقىندالسىن.
2. مەملەكەتتىك ورگاندار:
1) «ادىلەت» اقپاراتتىق-قۇقىقتىق جۇيەسىندە رەسمي جاريالاۋ ءۇشىن جىبەرىلەتىن گرافيكالىق فورماتتاعى قازاق جانە ورىس تىلدەرىندەگى نورماتيۆتىك قۇقىقتىق اكتىلەر كوشىرمەلەرىنىڭ قول قويىلعان تۇپنۇسقالارعا تولىق سايكەستىگىن;
2) قازاقستان رەسپۋبليكاسىنىڭ ادىلەت ورگاندارىندا مەملەكەتتىك تىركەلگەننەن كەيىن كۇنتىزبەلىك ون كۇن ىشىندە تىركەلگەن:
قازاقستان رەسپۋبليكاسى مينيسترلەرىنىڭ جانە ورتالىق مەملەكەتتىك ورگانداردىڭ وزگە دە باسشىلارىنىڭ نورماتيۆتىك قۇقىقتىق بۇيرىقتارىنىڭ, ورتالىق مەملەكەتتىك ورگانداردىڭ نورماتيۆتىك قۇقىقتىق قاۋلىلارىنىڭ,ورتالىق سايلاۋ كوميسسياسىنىڭ نورماتيۆتىك قاۋلىلارىنىڭ كوشىرمەلەرىن رەسپۋبليكالىق قۇقىقتىق اقپارات ورتالىعىنا;
ءماسليحاتتاردىڭ نورماتيۆتىك قۇقىقتىق شەشىمدەرىنىڭ, سونداي-اق اكىمدىكتەردىڭ نورماتيۆتىك قۇقىقتىق قاۋلىلارىنىڭ مەن اكىمدەردىڭ نورماتيۆتىك قۇقىقتىق شەشىمدەرىنىڭ كوشىرمەلەرىن رەسپۋبليكالىق قۇقىقتىق اقپارات ورتالىعىنىڭ ءتيىستى اۋماقتىق بولىمشەلەرىنە «ادىلەت» اقپاراتتىق-قۇقىقتىق جۇيەسىندە رەسمي جاريالاۋ ءۇشىن جىبەرۋدى;
3) نورماتيۆتىك قۇقىقتىق اكتىنىڭ ءبىر تىلدەگى ەلەكتروندىق كوشىرمەلەرىنىڭ ءبىر ەلەكتروندىق فايلدا قالىپتاستىرىلۋىن قامتاماسىز ەتسىن.
3. رەسپۋبليكالىق قۇقىقتىق اقپارات ورتالىعى:
1) جاريالانۋ كۇنى مەن اقپاراتتىق-قۇقىقتىق جۇيەنىڭ اتاۋىن كورسەتە وتىرىپ, گرافيكالىق فورماتتا قازاق جانە ورىس تىلدەرىندە تۇسەتىن, «نورماتيۆتىك قۇقىقتىق اكتىلەر تۋرالى» قازاقستان رەسپۋبليكاسى زاڭىنىڭ 36-بابى 2-تارماعىنىڭ 4) تارماقشاسىندا كورسەتىلگەن مەملەكەتتىك ورگانداردىڭ نورماتيۆتىك قۇقىقتىق اكتىلەرىن رەسمي جاريالاۋدى;
2) ەسەپتى ايدان كەيىنگى ايدىڭ 10-ى كۇنىنە دەيىنگى مەرزىمدە وتكەن ايدا رەسمي جاريالانعان:
قازاقستان رەسپۋبليكاسى مينيسترلەرىنىڭ جانە ورتالىق مەملەكەتتىك ورگانداردىڭ وزگە دە باسشىلارىنىڭ نورماتيۆتىك قۇقىقتىق بۇيرىقتارىنىڭ, ورتالىق مەملەكەتتىك ورگانداردىڭ نورماتيۆتىك قۇقىقتىق قاۋلىلارىنىڭ, ورتالىق سايلاۋ كوميسسياسىنىڭ نورماتيۆتىك قاۋلىلارىنىڭ تىزبەسىن قازاقستان رەسپۋبليكاسى ادىلەت مينيسترلىگىنە;
ءماسليحاتتاردىڭ نورماتيۆتىك قۇقىقتىق شەشىمدەرىنىڭ, سونداي-اق اكىمدىكتەردىڭ نورماتيۆتىك قۇقىقتىق قاۋلىلارى مەن اكىمدەردىڭ نورماتيۆتىك قۇقىقتىق شەشىمدەرىنىڭ تىزبەسىن قازاقستان رەسپۋبليكاسى ادىلەت مينيسترلىگىنىڭ ءتيىستى اۋماقتىق ورگاندارىنا بەرۋدى;
3) جاريالانعان نەگىزگى نورماتيۆتىك قۇقىقتىق اكتىگە اقپاراتتا وعان وزگەرىستەر جانە (نەمەسە) تولىقتىرۋلار ەنگىزىلگەن نورماتيۆتىك قۇقىقتىق اكتىلەر, سونداي-اق وسى نورماتيۆتىك قۇقىقتىق اكتىنىڭ قولدانىسىن توقتاتا تۇرۋ, كۇشى جويىلدى دەپ تانۋ تۋرالى مالىمەتتەردىڭ كورسەتىلۋىن;
4) گرافيكالىق فورماتتا ورنالاستىرىلاتىن نورماتيۆتىك قۇقىقتىق اكتىلەردىڭ ماتىندەرىن جانە «ادىلەت» اقپاراتتىق-قۇقىقتىق جۇيەسىن رۇقساتسىز ارالاسۋدان قورعاۋدى قامتاماسىز ەتسىن.
4. قازاقستان رەسپۋبليكاسى ۇكىمەتىنىڭ كەيبىر شەشىمدەرىنە مىناداي وزگەرىستەر ەنگىزىلسىن:
1) «نورماتيۆتىك قۇقىقتىق اكتىلەردى رەسىمدەۋ جانە كەلىسۋ قاعيدالارىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2006 جىلعى 16 تامىزداعى №773 قاۋلىسىندا (قازاقستان رەسپۋبليكاسىنىڭ ءپۇاج-ى, 2006 ج., №30, 326-قۇجات):
كورسەتىلگەن قاۋلىمەن بەكىتىلگەن نورماتيۆتىك قۇقىقتىق اكتىلەردى رەسىمدەۋ جانە كەلىسۋ قاعيدالارىندا:
24-تارماق مىناداي رەداكتسيادا جازىلسىن:
«24. نورماتيۆتىك قۇقىقتىق اكتىلەرگە وزگەرىستەر جانە (نەمەسە) تولىقتىرۋلار ەنگىزۋدى, سونداي-اق ولاردىڭ كۇشى جويىلدى دەپ تانۋدى كوزدەيتىن نورماتيۆتىك قۇقىقتىق اكتىلەردى دايىنداعان كەزدە وسىنداي نورماتيۆتىك قۇقىقتىق اكتىلەردىڭ قابىلدانعان كۇنىنەن, تىركەلگەن نومىرىنەن, تاقىرىبىنان كەيىن جاقشانىڭ ىشىندە سول نورماتيۆتىك قۇقىقتىق اكتىنىڭ ماتىنىندە ونىڭ نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە تىركەلگەن ءنومىرى, العاشقى رەسمي جاريالانعان كۇنى مەن رەسمي جاريالاۋ كوزىنىڭ اتاۋى كورسەتىلەدى (كورسەتىلگەن كەزەكتىلىكپەن).»;
2) «نورماتيۆتىك قۇقىقتىق اكتىلەردى مەملەكەتتىك تىركەۋ قاعيدالارىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2006 جىلعى 17 تامىزداعى №778 قاۋلىسىندا (قازاقستان رەسپۋبليكاسىنىڭ ءپۇاج-ى, 2006 ج., №30, 330-قۇجات):
كورسەتىلگەن قاۋلىمەن بەكىتىلگەن نورماتيۆتىك قۇقىقتىق اكتىلەردى مەملەكەتتىك تىركەۋ قاعيدالارىندا:
14-تارماقتىڭ ءبىرىنشى بولىگى مىناداي رەداكتسيادا جازىلسىن:
«14. تىزىلىمدە مەملەكەتتىك تىركەۋ كۇنى, بەرىلگەن مەملەكەتتىك تىركەۋ ءنومىرى, نورماتيۆتىك قۇقىقتىق اكتىنى مەملەكەتتىك تىركەۋگە ۇسىنعان ورگاننىڭ اتاۋى, نورماتيۆتىك قۇقىقتىق اكتىنىڭ كۇنى, ءنومىرى جانە اتاۋى, نورماتيۆتىك قۇقىقتىق اكتىنى رەسمي جاريالاۋ, نورماتيۆتىك قۇقىقتىق اكتىگە ەنگىزىلەتىن وزگەرىستەر مەن تولىقتىرۋلار, نورماتيۆتىك قۇقىقتىق اكتىنىڭ قولدانىسىن توقتاتا تۇرۋ, توقتاتۋ تۋرالى مالىمەتتەر كورسەتىلەدى.»;
22-تارماقتىڭ ءبىرىنشى بولىگى مىناداي رەداكتسيادا جازىلسىن:
«22. نورماتيۆتىك قۇقىقتىق اكتىنى كۇشى جويىلدى دەپ تانىعان نە ونىڭ قولدانىسىن بەلگىلى ءبىر مەرزىمگە توقتاتا تۇرعان كەزدە وسى اكتىنى قابىلداعان ورگان نەمەسە وسىعان ۋاكىلەتتى ورگان ءبىر اپتا مەرزىمدە راستايتىن اكتىنىڭ كوشىرمەسىن قوسا بەرە وتىرىپ, قازاقستان رەسپۋبليكاسى ادىلەت مينيسترلىگىنە نەمەسە ونىڭ اۋماقتىق ورگاندارىنا جانە رەسمي جاريالاۋ كوزدەرىنە حابارلايدى.».
5. وسى قاۋلى العاشقى رەسمي جاريالانعان كۇنىنەن باستاپ قولدانىسقا ەنگىزىلەدى.
قازاقستان رەسپۋبليكاسىنىڭ پرەمەر-ءمينيسترى س.احمەتوۆ.