الماتىدا ارالاس جەكپە-جەكتەن ەكى تۋرنير وتەدى

ەرتەڭ «Octagon League 15» دەپ اتالاتىن جارىس وتەدى. ول جەردە قازاقستاننان بولەك, وزبەكستان, تاجىكستان جانە قىرعىزستاننىڭ سپورتشىلار كۇش سىناسادى. باستى باسەكە جارتىلاي ورتا سالماقتا ونەر كورسەتەتىن قوس قانداسىمىز – ساعىندىق مۇقانوۆ پەن باۋىرجان قۋانىشباەۆ اراسىندا وتەدى. 24 جاستاعى ساعىندىق وكتاگوندا 11 كەزدەسۋ وتكىزىپ, سەگىزىندە جەڭىسكە جەتتى. 28 جاستاعى باۋىرجان جەتى باسەكەنىڭ بەسەۋىندا باسىمدىق تانىتتى.

وسى جەكپە-جەكتە جەڭىسكە جەتكەن ساڭلاققا ايتۋلى ۇيىمنىڭ التىن بەلبەۋى تابىس ەتىلەدى. سونىمەن قاتار, اسا اۋىر سالماقتاعى ەلىمىزدىڭ قوس الىبى – ءىلياس ەلەۋسىنوۆ پەن الەكساندر كرول اراسىنداعى باسەكە دە كوپشىلىكتىڭ قىزىعۋشىلىعىن تۋدىرادى دەگەن ويدامىز. 

ال جۇما كۇنى «Naiza Fighting Championship 28» دوداسى ۇيىمداستىرىلادى. ۋكراينا, رەسەي, وزبەكستان, قىرعىزستان جانە قازاقستاننىڭ سپورتشىلارى سايىسقا تۇسەتىن ءتۋرنيردىڭ باستى جەكپە-جەگىندە جەڭىل سالماقتاعى جەرلەستەرىمىز – سەرىكباي حودجاباەۆ (9-3) پەن فانيل رافيكوۆ (18-4) ايقاسادى. سونداي-اق, UFC-دە كۇش سىناسىپ جۇرگەن قازاقتىڭ قايسار ۇلى شاۆقات راحمونوۆتىڭ تۋعان قارىنداسى سورا دا ءداپ وسى جارىستا ءوز ونەرىن ورتاعا سالادى.