قازاقستاننىڭ تانىمال شاڭعىشىسى نيكولاي چەبوتكو 24 قاڭتارعا قاراعان ءتۇنى اقمولا وبلىسىنىڭ بۋراباي كەنتىنىڭ ماڭىندا جول اپاتىنان قايتىس بولدى, دەپ حابارلايدى Egemen.kz.
نيكولاي سەرگەي ۇلى 1982 جىلدىڭ 29 قازانىندا اقمولا وبلىسىنىڭ ششۋچينسك قالاسىندا دۇنيەگە كەلدى. سول جەردە شاڭعى سپورتىنىڭ قىر-سىرىنا قانىعىپ, ۋاقىت وزا ەلەۋلى تابىستارعا قول جەتكىزدى. اتاپ ايتساق, 2013 جىلى يتاليادا وتكەن الەم چەمپيوناتىنىڭ قولا مەدالىن موينىنا ءىلدى. ءتورت بىردەي ازيا ويىندارىنا قاتىسىپ, 3 التىن, 4 كۇمىس جانە 2 قولا مەدالدى ولجالادى. 2002 جىلى سولت-لەيك-سيتي, 2006 جىلى تۋرين جانە 2010 جىلى ۆانكۋۆەر وليمپيادالارىندا باق سىنادى. سونىمەن قاتار, ول باسقا دا كوپتەگەن حالىقارالىق جارىستاردا دا جەڭىس تۇعىرىنا كوتەرىلدى. نيكولاي چەبوتكو نەبارى 38 جاستا ەدى...