قۇرلىقتىق حوككەي ليگاسىنداعى (قحل) كەزەكتى تۋر ويىنىن ماسكەۋدە وتكىزگەن نۇر-سۇلتاننىڭ «بارىسى» جەرگىلىكتى «دينامودان» باسىم ءتۇستى.
بۇل كەزدەسۋدە بارلىق ماسەلە ءبىرىنشى كەزەڭدە شەشىلدى. ماتچتىڭ 16-مينۋتىندا دجەسسي بلەكەر ەسەپ اشتى. ارادا تۋرا ءۇش مينۋت وتكەننەن كەيىن ءدال سول بلەكەر پاۆەل اكولزينگكە كەرەمەت پاس بەردى. ول ءوز مۇمكىندىگىن قالت جىبەرگەن جوق. ودان كەيىن قوس كوماندانىڭ ويىنشىلارى قانشا جانتالاسقانىمەن, تابلوداعى ەسەپ وزگەرگەن جوق. وسىلايشا, «بارىس» سىرتتا 2:0 ەسەبىمەن جەڭىسكە جەتىپ, جارىس كەستەسىندەگى جاعدايىن ءبىراز جاقسارتتى.